اسلام آباد۔15مئی (اے پی پی):بنجاھی تہی کارانی وزیر محسن نقوی ءَ ہنگو ءَ طورہ وڑی چیک پوسٹ ءِ سر ءَ درئی ناشرکار آنی اُرش ءَ را ناکام کنگ ءِ ھاترا ایف سی ءِ جوان آناں شگر ءُ منت گپت۔ وزیر داخلہ ءَ وتی گشتانک ءِ تہ ءَ ایف سی جوان آنی بہادری ءُ زانتکاریں شور ءُ سلاہ آناں ساڑات۔ آئی ءَ گوشت کہ ایف سی ءِ بامردیں بچاں وھد ءِ سر ءَ گامگیج کتگ ءُ درئی ناشرکار آنی اُرش ءَ را پد ءُ رند کتگ۔ ھما ایف سی ءِ ورنا کہ درئی ناشرکارانی بدیں نیتی بے سوب کتگ اَنت آ راج ءِ بامرد اَنت ۔ محسن نقوی ءَ گوشت کہ فرنٹیئر کانسٹیبلری ءِ سپاھیگ آنی دلیری ءِ سر ءَ پھر انت ۔ ایف سی ءِ سپاھیگ آں وھد ءُ موہ ءِ سر ءَ کاروائی کتگ ءُ درئی ناشرکار آناں جتگ ءُ پروش داتگ، ایف سی ءِ ورنا راج ءِ بامرد انت، الس ءَ را آوانی سر ءَ پھر اِنت۔ آئیءَ گوشت کہ ایف سی ءِ سپاھیگ آناں شاباش انت ءُ سرجمیں ٹیمب ءَ را من مبارک بات دیاں۔
