اسلام آباد۔15مئی (اے پی پی): وزیر ءِ درئی کار ءَ اسلام آباد ءَ سفارتی کور ءَ گوں گند ءُ نند کتگ کہ آ 10 مئی ءَ جار جتگیں جنگ بندی ءِ عمل درآمد ءُ جنگ بندی ءِ بابت ءَ سرپد بہ کن انت۔ پنچ شمبے ءِ روچ ءَ درئی کارانی کارگس ءِ جارچین ءِ نیمگ ءَ جاڑی بوتگیں بیان ءِ رد ءَ دری کارانی سیکرٹری ءَ اے گپ ءِ سر ءَ زور پر دات کہ نیک راھی ءِ درشان ءِ رد ءَ پاکستان ءُ بھارت ءِ نیام ءَ گوستگیں روچ ءَ پاکستان رینجرز ءُ بھارتی بارڈر سیکورٹی فورس ءِ کارندہ آنی بدلی کتگ ات کہ آ یکے دومی ءِ دست ءَ اتنت۔ وزیر ءِ درئی کار ءَ جنگ بندی ءِ ھاترا جوڑیشت ءِ ھاترا دوستیں ملک آنی شگر ءُ منت گپت۔ دری کارانی وزیر ءَ بھارت ءِ ’’نوکیں نارمل‘‘ ءِ جوڑ کنگ ءِ بابت ءَ بے بنیں دعویٰ آنی رد ءَ گوشت کہ دو نیمگی سیادی آنی تہ ءَ ایوکیں ’’نارمل‘‘ حاکمیت ءُ علاقائی یکوئی ءِ احترام اِنت۔ آئی ءَ پاکستان ءِ تنازعہ ءُ جنجال آنی سر ءَ امن ءُ ایمنی ءِ ھمزوری، گپ ءُ تران ءُ سفارتکاری ءِ ترجیح ءِ سر ءَ زور پر دات۔
