اسلام آباد۔ 15مئی (اے پی پی) سیکرٹری خارجہ اسلام آباد نا سفارتی کور ءِ 10 مئی نا پڑوکروک جنگ بندی نا نفاذ و پیش رفت آن معلومدار کرے۔ دفترخارجہ نا ترجمان نا کنڈآن پنچ شنبے نادے آ جاری بیان نا رداٹ سیکرٹری خارجہ داہیت آ زور شاغا کہ جوزہ خیرخواہی نا وڑاٹ پاکستان و بھارت تدوک آ دے اسہ ایلو نا تحویل اٹی پاکستان رینجرز و بھارتی بارڈر سیکورٹی فورس انا کارندہ غاتا تبادلہ ءِ کریر۔ سیکرٹری خارجہ جنگ بندی نا حصول اٹ تعمیری کڑد ادا کننگ آ سنگت ملک آتا منت واری ءِ ہرفے۔ سیکرٹری خارجہ ’’نیونارمل‘‘ نا جوڑ کننگ نا بارواٹی بھارت نا بے بنداو دعویٰ تا رداٹ پارے کہ ہڑتوم آکنڈآتا تعلقداری ٹی اسٹ انگا’’نارمل‘‘ وتواجہی و علاقائی سالمیت نا شرفءِ۔ اوتنازہ و جھیڑہ غا پرامن بقائے تین پہ تینی ، مذاکرات و سفارت کاری نا پاکستان نا اولیت آ زور شاغا۔
