اسلام آباد۔ 15مئی (اے پی پی) پاکستان تینا جوہری سلہہ غاتا بارواٹی بھارتی وزیر دفاع نا بھارت نا غیرکانودی وڑاٹ کوزہ ٹی جموں وکشمیر اٹی تروک آ ریمارکس نا ترندی اٹ مذمت ءِ کرینے۔ دفترخارجہ نا ترجمان نا کنڈآن پنچ شنبے نادے آ جاری بیان نا رداٹ دا غیرزموارانہ ریمارکس روایتی وڑوڈول آتیان بھارتی جارحیت نا برخلاف پاکستان نا گچین دفاع و ڈیٹرنس نا بابت اوفتا بے رکھی و مایوسی ءِ ظاہر کیک۔ ترجمان پارے کہ خودساختہ’ایٹمی بلیک میل‘ آن بیدس ہرانا نئی دہلی ءِ مون تروک ءِ، پاکستان نا روایتی لائخی بھارت ءِ توننگ کن گنج اسے۔ بیان اٹی مستی پاننگانے کہ بھارتی وزیر دفاع نا تران ہم آئی اے ای اے کون آ اقوام متحدہ نا خصوصی ایجنسی نا مینڈیٹ و زمواری تیان اونا سراسر لاعلمی ءِ ظاہر کیک۔ اوپارے کہ آئی اے ای اے و جہانی برادری بھارت اٹ جوہری و تابکار مواد نا وار اوار آ دُزی و غیرکانودی اسمگلنگ نا واقعہ غاتا بارواٹی فکر مند مرے۔ ترجمان تینا بیان اٹی پارے کہ تدوک آ سال بھارت نا دہرادون اٹی بھابھا اٹامک ریسرچ سینٹر آن مبینہ وڑاٹ دُزی مروک آ تابکار ڈیوائس تون پنچ بندغ ملاسر وخت اس کہ اوکان پد اسہ گروہ ہراڑتو اسہ بے کچ تابکار و زیاری مادہ کیلفورنیا ہرافتا مالیت 100 ملین امریکی ڈالر ئس، نا ہم سماتماسس۔ 2021اٹی کیلیفورنیا نا دُزی نا مسہ واقعہ ہم رپورٹ مس ، دا وار وار آ مروک آ واقعہ غاک نئی دہلی نا کنڈآن جوہری و ایلو تابکار مواد آتا رکھ اکن کروک آ گام گیج آتیا سوج نشان اس خلیرہ۔ اوپارے کہ داواقعہ غاک بھارت اٹی حساس، دوہرے کاریم اٹ اتنگ نا مواد نا بلیک مارکیٹ نا وجود نا ہم پیدواری ءِ کیرہ۔ بیان نا رداٹ پاکستان داواقعہ غاتا پورو جاست وپاست آ زور شاغک و بھارت آن خواست کیک کہ او تینا جوہری تنصیبات و سلہہ غاتا رکھ ءِ پک کے۔
