اسلام آباد۔ 15مئی (اے پی پی) بنجائی وزیر قومی میرات و دودوربیدہ محمد اورنگزیب خان کھچی بنجائی وزیر ریلوائی محمد حنیف عباسی تون خصوصی اوڑدہی کرے۔ اوڑدہی ٹی تین پہ تینی است خواہی نا امور تیا گپ وتران کننگا ہرافتے ٹی دودوربیدہ ئی میرات نا بحالی، قومی کہول آ دودوربیدہ ئی ڈٹ آتا پیش رفت و ریلوائی تون گنڈوک شونداری ڈٹ آک اوار ئسر۔ دا وخت آ میلسی ٹی برجا ریلوائی پارک انا ڈٹ آ خصوصی گپ وتران مس۔ بنجائی وزیر محمد اورنگزیب کھچی ڈٹ انا اہمیت ءِ مون آ تخسا پارے کہ دا پارک نئے بیرہ الس ءِ تفریح نا آسراتی فراوان کیک بلکن ہندی زرگزران ءِ ہم مون آ دیک۔ بنجائی وزیر ریلوائی محمد حنیف عباسی باوری کرفے کہ ڈٹ ءِ وخت آ پورو کننگک و غٹ وسیلہ غاتے کاریم اٹ اتنگک۔

متعلقہ مضامینمصنف کی طرف سے مزید