اسلام آباد۔15مئی (اے پی پی): بنجاھی وزیر توانائی سردار اویس احمد خان لغاری ءَ گوشت کہ یک سال ءِ وھد ءِ تہ ءَ بجلی ءِ کارمرز کنوک آنی واستہ بجلی ءِ نھاد ءَ مزنیں کساسے ءَ کمی کنگ بوتگ۔ 200 یونٹ ءَ چہ کم صارفین ءِ واستہ بجلی ءِ نرخ 57درسد، صنعتی صارفین ءِ واستہ 31درسد ءُ کشت ءُ کشاری صارفین ءِ واستہ 20درسد کم کنگ بوتگ۔ پنچ شمبے ءِ روچ ءَ راجی اسمبلی ءَ جست ءُ پرس ءِ ساھت ءَ طاہرہ اورنگزیب ءِ جست ءِ پسو ءَ بنجاھی وزیر توانائی سردار اویس احمد خان لغاری ءَ ایوان ءَ گوشت کہ مئے کلیں صارف آنی کساس 39ملین ءِ نزیک ءَ اِنت ایشی ءِ تہ ءَ 18ملین صارف 200ملین یونٹ ءَ چہ کم بجلی ءِ کارمرد کن اَنت۔ اے صارفین ءِ واستہ بجلی ءِ نرخ ءَ 57 درسد ءِ کساس ءَ کمی کنگ بوتگ۔ صنعتی صارف آنی واستہ ٹیرف 31درسد کم کنگ بوتگ ایشی ءِ سبب ءَ صنعت آنی لوٹ گیش بوتگ۔ ایوک ءَ فیصل آباد ءَ صنعت آنی واستہ بجلی ءِ لوٹ 35درسد گیشی بوتگ۔ اے سرکار ءِ سدکیں پالیسی ءِ آسر اِنت۔ آئی ءَ گوشت کہ پیسر ءَ کشت ءُ کشاری صارف آناں سبسڈی دیگ بوتگ، اے سبسڈی ھلاس کنگ بوتگ، مزن وزیر ءَ فیول کاسٹ ایڈجسٹمنٹ ءِ منظوری داتگ، ایشی ءِ سبب ءَ کشت ءُ کشاری صارف آنی واستہ بجلی ءِ نہاد ءَ 20درسد کمی بوتگ۔ حکومت ءَ آئی پی پیز ءِ گوما 10کروڑ کلدار ءِ معاہدہ کتگ۔ 3.5 ٹریلین ءِ زرّ ءَ را ایڈجسٹ کنگ بوتگ ءُ پٹرولیم ڈویلپمنٹ لیوی ءِ نفع ھم صارفین ءَ را دیم دیگ بوتگ۔ اگاں اے رجحان برجاہ بہ بیت گڈا پاکستان یک سالے ءِ تہا خطہ ءِ رقابتی ترین بجلی ءِ داتگیں ملک جوڑ بیت۔ آئی ءَ گوشت کہ اے وھد ءَ آیوکیں سئے سال آنی واستہ 7ہزار میگاواٹ ءِ گیشیں بجلی است انت، حکومت 10کروڑ کلدار ءَ بجلی پجارینگ ءِ واستہ تیار انت۔ 21 ءَ چہ 22 فی یونٹ ءِ سرا وزارت مالیات اے بابت ءَ گوں دیمروئی شریکاں گپ ءُ تران کنگ ءَ اِنت ءُ اے بابت ءَ سبسڈی ءِ ھرچ ءُ درچ نہ بیت۔ شاہدہ رحمانی ءِ یک تکمیلی جُستے ءِ سر ءَ آئی ءَ گوشت کہ کراس سبسڈی است اِنت بلے ما میان اُستمانی تبک ءِ واستہ ٹیرف ھم کم کتگ، چہ 1000 روپیہ ءَ۔ 200 ءَ بگر داں 1000 روپیہ ءَ بوتگ۔ صارفین ءِ واستہ 300 یونٹ ءَ تاں نرخ 20درسد ءُ صارفین ءِ واستہ 300 ءَ چہ 400 یونٹ ءَ ٹیرف 14درسد کم کنگ بوتگ۔ بنجاھی وزیر ءَ گوشت کہ کے الیکٹرک ءِ دمگ ءَ مزنیں تاوان ءِ گوں فیڈرز آنی سر ءَ لوڈ شیڈنگ بوھگ ءَ اِنت۔ رانا محمد حیات ءِ یک تکمیلی جست ءِ سر ءَ آئی ءَ گوشت کہ پیسر ءَ زرعی سبسڈی ءِ کساس 50ارب ءَ چہ 60ارب کلدار بوتگ، بلے ایندھن ءِ نرخ ءِ ایڈجسٹمنٹ ءَ چہ رستگیں شوبگ ءِ تہ ءَ زرعی شوبگ ھم ھوار کنگ بوتگ، ایشی ءِ سبب ءَ کشت ءُ کشاری ءِ واستہ بجلی ءِ نرخ 2000 ءِ درسد کم کنگ بوتگ۔ آئی ءَ گوشت کہ آ کجام ھم صوبگ ءَ تبعیض ءِ سر ءَ باور نہ کن آں، گوستگیں سال ءَ خیبر پختونخوا ءِ بنجاھی وزیر ءَ گوں بازیں گند ءُ نند بوتگ، مزنیں تاوان ءِ گوں فیڈر آنی سر ءَ لوڈ شیڈنگ ءِ مدت ءَ را مشروط جوڑ کنگ بوتگ پرچا کہ بنجاھی وزیر ءَ دل یکیمی داتگ کہ آ ھم میٹر ایر کنت ءُ ریکوری کنت۔ مارا 4ارب کلدار تاوان بوتگ بلے بنجاھی وزیر ءَ ھچ وڑیں گامگیج نہ کتگ۔ شگفتہ جامانی ءِ یک تکمیلی جست ءِ سر ءَ آئی ءَ گوشت کہ نیپرا ءِ رھبند آئی ءِ رد ءَ لوڈ شیڈنگ بیت، وولٹیج ءِ ھوالگ ءَ جیڈھ ریگولیٹری اتھارٹی ءِ نیمگ ءَ چارگ بنت، ءُ الس ءِ تکلیف کم چہ کم کنگ ءِ کوشست کنگ بوھگ ءَ اِنت۔ آئی ءَ گوشت کہ نوگوزہ ءِ دمگ ءُ رٹ ءِ کمیں دمگ آنی ھوالگ ءَ ما صوبائی حکومت آناں نمدی نبشتہ کتگ ءُ ریکوری ءِ واستہ افسر آناں ھم سر ءُ سوج داتگ بلے ایشی ءَ چہ ھچ وڑیں سوب نہ بوتگ۔
