اسلام آباد۔15مئی (اے پی پی): راجی مڈی ءُ دود ءُ ربیدگ ءِ بنجاھی وزیر محمد اورنگزیب خان خیچی ءَ ریلوے ءِ بنجاھی وزیر محمد حنیف عباسی ءَ گوں ھاسیں گند ءُ نند کت۔ گند ءُ نند ءَ دود ءُ ربیدگی مڈی ءِ بحالی، راجی تک ءَ دود ءُ ربیدگ ءِ منصوبگ آنی پیشرفت ءُ ریلوے ءِ ھوالگ ءَ دیمروئی منصوبگ آنی سر ءَ گپ ءُ تران کنگ بوت۔ اے موہ ءِ سر ءَ میلسی ءَ جاری ریلوے پارک منصوبگ ءِ سر ءَ ھاسیں گپ ءُ تران کنگ بوت۔ بنجاھی وزیر محمد اورنگزیب کھیچی ءَ منصوبگ ءِ ارزشت ءَ را پدر کنان ءَ گوشت کہ اے پارک ءَ چہ نہ ایوک ءَ الس ءَ را دلگوشی ءِ آسراتی رس ایت بلکیں دمگی معیشت ءَ را ھم دیمروئی دنت۔ ریلوے ءِ بنجاھی وزیر محمد حنیف عباسی ءَ دل یکیمی دات کہ منصوبہ وھد ءِ سر ءَ سرجم کنگ بیت ءُ توامیں وسیلگ آناں کارمرد کنگ بیت۔
