کوئٹہ۔ 15 مئی (اے پی پی): بلوچستان ءِ سر وزیر سرفراز بگٹی ءَ گشتگ بلوچستان ءِ دانشوراں راجدپتر ءِ تلخیں راستیاں چہ دربرگ ءُ آیوکیں باھنداں راستیں راہ ءُ راہشونی ءِ شون دیگ لوٹیت۔ پاکستان یک انچیں ریاستے کہ آئی ءَ بہر ءُ بانگ بوتگیں ملک ءِ ٹُکّر ٹُکّر کنگ ءِ پندلانی دیم ءَ اوشتاتگ ءُ یکمشت ءُ تپاک بوتگ۔ اے ھیالانی درشانی آئی ءَ پنچ شمبے ءِ روچ ءَ بلوچستان ہائی کورٹ بار ایسوسی ایشن ءِ مراگش ءَ گوں تران کنان ءَ کت۔ اے موہ ءِ سر ءَ صدر سپریم کورٹ بار ایسوسی ایشن پاکستان میاں روف عطا ، صدر بلوچستان ہائیکورٹ بار ایسوسی ایشن میر عطاء اللہ لانگو ءَ گشتانک دات۔ سر وزیر سرفراز بگٹی ءَ وتی تران ءِ تہ ءَ ناشرکاری ءِ لہر ءِ ذکر کتگ ءُ گْوشتگ کہ مرچی کوئٹہ ءَ اسکول، کالج ءُ آمید گس ءِ مردم آباد اَنت ءُ بلے ناشرکار گار ءُ بیگواہ انت ءُ برباد اَنت۔ اے مئے ریاست ءِ سوب مندی اِنت۔ آئی ءَ گوشت کہ کانود ءِ نگہبان آنی گوما یک شلیں گند ءُ نند کنگ ءِ واھشت ءِ پدریں واھشت است انت۔ بلوچستان ءِ وکیلاں ناشرکاری ءِ ھلاپ ءَ جنگ ءَ بے کساس قربانی داتگ ءُ آیانی ھزمت فراموش نہ بنت۔ آئی ءَ گوشت کہ بلوچستان ءَ را انتہا پسندی ءِ وسیلگ ءَ کشت ءُ بربادی ءِ دیمپان بوتگ، ایشی ءِ مٹوئی ءَ غوث بخش بزنجو ءُ آئی ءِ سروکاں جہد ءِ وسیلگ ءَ ھک ءِ رسگ ءِ روایت جوڑ کتگ، ءُ ما چہ ھما سروکاں دربرتگ۔ بنجاہی وزیر ءَ گوشت کہ بی وائی سی جی ءِ تنظیم آنی مراگش آنی تہ ءَ اے رنگیں سرود گشگ بوتگ ایش اینگر پاکستان ءِ ھاسیں ھلاپ ورزی اِنت۔ غم ءِ گپ ایش انت کہ وھدے اے گلانی ھلاپ ءَ کارروائی کنگ بیت گڑا وکیل ایشانی دیمپانی ءَ پاد کاینت۔ آئین ءِ تہا گشگ بوتگ کہ ناشرکارانی نمائندگی کنگ بہ بیت؟ نمیرانیں سرفراز بگٹی ءَ گشتگ کہ افغانستان ءِ سرڈگار پاکستان ءِ ھلاپ ءَ کارمرد کنگ مہ بنت۔ اقوام متحدہ ءِ تہا پاکستان ءِ مخالفت کنگ بوتگ۔ موساد ءُ رژیم پاکستان ءَ ناامنی پیداک کنگ ءَ سرگرم بوتگ ءُ پہ اے کار ءَ مئے وتی لھتے دانشوراں کارمرز کتگ۔ بنجاہی وزیر ءَ اے گپ پدر کت کہ بھارت ءِ قسمت ءَ چہ پدر انت کہ پاکستان ءَ را زوراکی ءَ چہ تاوان رسگ نہ بیت۔ بلوچ جدائی طلبی تحریک ءِ آکبت ہم چو ترکی ءِ کردستان تحریک ءِ وڑا بیت۔ یک روچے بلوچ ورنا وت ءَ جست کنت کہ “من آئی ءَ چوں تپنگ ءِ نیمگ ءَ کشّاں؟” آئی ءَ گْوشتگ کہ بے میاریں لس مھلوکانی کُشگ ھچ وڑیں بلوچ ءِ دود ءُ ربیدگ ءِ بھر بیت نہ کنت۔ ما سرکار مدام مظلوم ءِ ہمراہی ءَ اوشتاتگیں۔ بی وائی سی ءِ ریلی ھما وڑا نہ اَنت کہ گمان بوتگ۔ بنجاہی وزیر ءَ جست کت کہ چوشیں مردماں اجازت دیگ بیت کنت کہ آ ادا بیا انت ءُ گپ بہ جن انت؟ پاکستان ءِ قانون ءَ اے اجازت نیست۔ بُنجاھی وزیر ءَ گوشت کہ سدل بدن ءَ ناشرکار بوتگ آئی ءَ وتکش اُرش کتگ ۔ اے موہ ءِ سر ءَ واجہ سرفراز بگٹی ءَ 100کروڑ کلدار ءِ گرانٹ ءِ ھم جار جتگ۔ 50 ملین بلوچستان ہائی کورٹ بار ایسوسی ایشن ءِ وکیلانی واستہ، وکیلانی ہاؤسنگ اسکیم، ہیلتھ انشورنس، لائبریری، زالبولیں وکیلانی واستہ گلابی اسکوٹر ءُ گلابی وین، ءُ وکیلانی واستہ شٹل سروس بس، ہمے وھد ءَ بلدیہ پلا ءَ چیمبر ءُ دفاتر ءِ معقول کرایہ ءِ سرا پجارینگ ءِ یقین دہانی کنگ بوتگ۔ آئی ءَ گوشت کہ بلوچستان ءَ وکیل آنی گہبودی ءِ واستہ ممکنیں گامگیج چست کنگ بیت۔ آئی ءَ گوشت کہ بلوچستان ءَ دیمروئی ءِ سفر دیم ءَ روان انت، سڑک جوڑ کنگ بیگ ءَ انت، دُوری کم کنگ بوھگ ءَ انت۔ بد حکومت ءُ کرپشن ءَ ناشرکاری ءِ زھگ پیداک کتگ۔ ایشی ءِ آسر کنگ مئے اولویت اِنت۔ احتجاج ہر شہری ءِ حق انت بلے سرکار ءَ اے حق است کہ آ ایشی ءِ جاہ ءِ فیصلہ ءَ بہ کنت۔ بنجاھی وزیر ءَ وکیل آناں زور پر دات کہ آ کانود ءُ انصاف ءِ چیمپئن بہ بنت ءُ انتہا پسندی ءِ بدل ءَ ایمنی ءِ راہ ءُ دراں بہ زیر اَنت تانکہ بلوچستان ءَ برجمیں امن ءُ دیمروئی ءِ واب پیلو بہ بیت۔ مراگش ءِ تہ ءَ صوبائی جان سلامتی ءِ وزیر بخت محمد کاکر ءُ ایڈووکیٹ جنرل بلوچستان عدنان بشارت ھم ساڑی ات ۔
