راولپنڈی ۔14مئی (اے پی پی): مزن وزیر محمد شہباز شریف ءَ سیالکوٹ پسرو چھائونی ءِ تر ءُ تاب کتگ ۔ آئی ءِ ھمراھی ءَ نائب مزن وزیر ءُ وزیر ءِ درئی کار ، وزیر ءِ دیمپان ، وزیر ءِ منصوبگ بندی ءُ دیمروئی ءُ وزیر ءِ اھوالکاری ھم ھوار بوتگ ۔ اے تر ءُ تاب ءِ مول ءُ مراد ”سچائی ءِ جنگ“ ءِ چیر دستی ءَ ”آپریشن بانیان مرسوس“ ءَ فوج ءِ کارندہ آنی غیر معمولی بہادری ءُ پیشہ وارانہ لیکہ ءَ را داد دیگ بوتگ۔ اے موہ ءِ سر ءَ آرمی چیف جنرل سید عاصم منیر ءُ پاک فضائیہ ءِ سروک ائیر چیف مارشل ظہیر احمد بابر سدھو (نشان امتیاز ملٹری) ھم ساڑی بوتگ اَنت۔ آئی ایس پی آر ءِ رد ءَ تر ءُ تاب ءِ ساھت ءَ مزن وزیر ءَ را ’’سچائی ءِ جنگ‘‘ ءِ تفصیل ءُ کور ءِ استیں آپریشنل تیاری ءِ بابت ءَ سرجمیں بریفنگ دیگ بوتگ۔ مزن وزیر ءَ ’’حقیقت ءِ جنگ‘‘ ءَ پاکستانی اُرد آنی دراجیں کارکردگی ءِ توسیپ کت ءُ گوشت کہ پاکستان ءِ بہادریں اُرد آناں راج ءِ بے دروریں جزم ءَ چہ مھکم بوتگیں ماتیں وطن ءِ جوانیں رنگ ءَ دیمپان کت ءُ دژمن ءِ بزدلیں زوراکی ءِ سر ءَ فیصلہ کنوکیں پسو دات۔ راجدپتر ءَ مدام یات بیت کہ چوں لہتیں کلاکاں پاکستان ءِ مدافعاں بے دروریں مہارت ءُ جزم ءَ گوں ہندوستان ءِ بے جاہیں زوراکی ءَ را کچل دات۔ مزن وزیر ءَ جنگ ءِ میدان ءَ افسر ءُ مردین آں گوں گند ءُ نند ءِ ساھت ءَ آوانی مزن حوصلہ، غیر معمولی پیشہ وارانہ ءُ سرجمیں تیاری ءَ را ساڑات۔ مزن وزیر محمد شہباز شریف ءَ گوشت کہ پاکستان ءَ وتی بامردیں بچ آنی سر ءَ پھر انت، راج ءِ سرپ ءُ شان انت۔ آئی ءَ بے گناھیں شہری آنی سر ءَ زوراکی ءَ را شرمندگی لیک اِتگ ءُ گْوشتگ کہ آھاں ناشرکار گْوشگ سرجم ءَ میان اُستمانی کانود، اخلاقیات ءُ رہبندانی ھلاپ اِنت۔ مزن وزیر ءَ اے گپ پدر کت کہ مئے غیر جانبداریں پٹ ءُ پول ءِ پیشکش ءِ باوجود بھارت ءَ زانت ءُ زانگ ءَ چہ ایشی ءَ چہ رک اتگ پرچا کہ آہانی گور ءَ ثابت کنگ ءِ ہچ چیز نیست ات۔ جارحیت تکبر، تکبر، ءُ دروگیں دکھاوا ءِ بنیاد ءَ کنگ بوتگ کہ ایشی ءِ سرا سک باز موثر ءُ فیصلہ کنوکیں پسو دیگ بوتگ، شکر انت۔ مزن وزیر ءَ گوشت کہ مئے شھید مئے شان اَنت ایشانی کُربانی راج دائم ءَ را یات کنت۔ تر ءُ تاب ءِ بندات ءَ پاک اُرد ءِ سروک ءُ کور کمانڈر گجرانوالہ ءَ مزن وزیر ءَ را گہتری ءِ وش اتک کت۔
