اسلام آباد۔14مئی (اے پی پی): ترک صدر رجب طیب اردوان ءَ سوشل نیٹ ورکنگ پلیٹ فارم ایکس ءِ سر ءَ وتی پوسٹ ءِ تہ ءَ مزن وزیر محمد شہباز شریف ءَ را ”منی گرانیں برات“ ءِ نام ءَ گوں تران کتگ ءُ وتی پوسٹ ءِ تہ ءَ پاکستان ءِ ھلاپ ءَ دل ءِ جہلانکی ءَ چہ مھمک ءُ برات ءِ درشانی کتگ۔ ترکی ءِ صدر طیب اردوان ءَ شہباز شریف ءَ را پیغام داتگ کہ ما مدام تئی ھمراہ ایں ۔ صدر اردگان ءَ وتی اگدہ ءِ سر ءَ پاکستانی سروکی ءِ عقل ءُ زانت ءِ توسیپ کتگ ۔ دوئیں رہشوناں وتی ٹویٹ ایکسچینج ءِ تہا یکے دومی ءِ واستہ براتی ءِ درشانی کتگ۔ دوئیں رہشونانی نیام ءَ یک غیر معمولی گرمائشے ات۔ ترکی ءِ صدر ءَ ’’پاکستان ءُ ترکی ءِ دوستی زندگ بات‘‘ ءِ غیر معمولی کلوہ دات۔ ایشی ءَ چہ پیسر مزن وزیر محمد شہباز شریف ءَ پاکستان ءِ کمک ءِ سر ءَ ترکی ءِ صدر ءِ منت گپت۔
