اسلام آباد۔14مئی (اے پی پی): راجی اسمبلی ءِ اسپیکر سردار ایاز صادق ءَ سی ایم ایچ راولپنڈی ءِ تر ءُ تاب کتگ ءُ انصاف ءِ جنگ ءَ ٹپی بوتگیں پاک فوج ءِ فوجی آں گوں گند ءُ نند کتگ۔ اسپیکر راجی اسمبلی ءَ ٹپیگیں فوجی آنی جان سلامتی ءِ بابت ءَ جست ءُ پرس کتگ ءُ آوانی زوت جان سلامتی ءِ دعا ھم کتگ۔ سردار ایاز صادق ءَ پاک فوج ءِ ٹپیگیں سپاھیگانی دلیری ءُ بہادری ءَ را ستا کرتگ ۔ قومی اسمبلی ءِ اسپیکر سردار ایاز صادق ءَ راستی ءِ جہد ءِ شہیداں یات کت ءُ گشتگ کہ راستی ءِ جہد ءِ شہید ءُ غازی مئے راج ءِ شان انت۔ راج وتی شہیدانی قربانی ءَ کدی فراموش نہ کنت۔ راجی اسمبلی ءِ اسپیکر ءَ سلاہ بندیں اُرد ءِ پیشہ واریت ءِ توسیپ کت ءُ گوشت کہ پاکستان ءِ سلاہ بندیں اُرد ءَ دژمن ءِ لائکیں پسو دات۔ پاک آرمی ءِ سپاھیگاں وتی جان ءِ پرواہ ءَ ابید ماتیں گلزمین ءِ دیمپان کُت۔ قوم وتی سلاہ بندیں اُرد ءِ سرا پھمک کنت۔ مئے سلاہ بندیں لشکر ءَ دژمن ءَ را ہر محاذ ءَ پُشت ءَ کشگ ءَ مجبور کت۔ ماتیں وطن ءِ دیمپان ءَ پاکستان ءِ سلاھ بندیں اُرد ءَ مزنیں قربانی داتگ۔ سرجمیں راج گوں سلاہ بندیں لشکر ءَ چو سیسہ ءِ دیوال ءَ اوشتاتگ۔ پاکستانی لشکر ءِ ھست بوھگ ءَ دژمن گوں گندیں چمے ءَ ملک ءَ چارگ ءِ ھمت کُت نہ کنت۔ پاکستان ءِ سلاھ بندیں اُرد ءِ دگنیا ءِ تہ ءَ یک بے دروریں بستارے است انت ۔ کلیں راج انصاف ءِ جنگ ءَ ٹپیگیں مردمانی زوت جان سلامتی ءِ دعا ءَ کنت۔
