اسلام آباد۔14مئی (اے پی پی): راجی اسمبلی ءِ اسپیکر سردار ایاز صادق ءَ راجی اسمبلی ءِ باسک ءُ مزن وزیر ءِ ھاسیں کمکار مبارک زیب ءِ پت ءُ پیروکی گس ءَ باجور ءَ آئی ای ڈی تراک ءِ مذمت کتگ ءُ آئی ءِ واستہ نیکیں واھگ آنی درشان کتگ۔ چار شمبے ءِ روچ ءَ وتی مذمتی بیان ءَ آئی ءَ گْوشتگ: ھُدا ءِ شُکر اِنت کہ مبارک زیب ءِ لوگ ءَ بوتگیں تراک ءَ ھچ وڑیں تاوان نہ بوتگ۔ قومی اسمبلی ءِ سروک ءَ مبارکزیب ءُ آئی ءِ کھول ءِ واستہ نیکیں واھگ آنی درشان کت ءُ صوبہ خیبر پختونخوا ءِ سیادی داروکیں واکدار آناں ہدایت کت کہ آ مبارکزیب ءِ پت ءُ پیروکی گس ءِ دپ ءَ تراک ءِ بابت ءَ شفافیں پٹ ءُ پول ءَ بہ کن اَنت ءُ اے وئیل ءَ ہواریں عناصر آناں انصاف ءِ دیم ءَ بیار اَنت۔ راجی اسمبلی ءِ باسک آنی ایمنی ءَ را دل یکیمی کنگ بہ بیت ءُ آھاں ھمک رنگ ءِ رکھینگ ءِ پجار کنگ بہ بیت۔
