اسلام آباد۔ 14مئی (اے پی پی) پاکستان وجاپان نا نیام اٹ اقتصادی و راجی شونداری پروگرام نا معاہدہ غا چارشنبے نادے آ داڑے باقاعدہ دستخط مس ہرانا رداٹ جاپان نا حکومت فیصل آباد شار اٹی سمارٹ واٹر میٹرز خلنگ اٹ کمک فراوان کیک۔ معاہدہ غا دستخط نا دادود وزارت اقتصادی امور اٹی مس۔ پاکستان نا کنڈآن سیکرٹری اقتصادی امور ڈاکٹر کاظم نیاز وخت اس کہ جاپانی حکومت نا کنڈآن پاکستان اٹ تعینات سفیر اکاماتسوشوئچی معاہدہ غا دستخط کرے۔ پروگرام نا رداٹ جاپانی حکومت 510ملین جاپانی ین (3.50ملین ڈالر) نا گرانٹ نا رداٹ فیصل آباد اٹی 8000سمارٹ واٹر میٹرز خلنگ اٹ کمک کیک ۔ داسمارٹ میٹرز واسا فیصل آباد ءِ دِیر انا فراوانی، طلب و مینجمنٹ نا نظام ءِ گچین کننگ اٹ بھاز کاریمی مریک۔ معاہدہ غا دستخط نا دود انا وخت آ گپ وتران کرسا سیکرٹری ڈاکٹر کاظم نیاز پارے کہ دا خصوصی کمکاری آ جاپانی حکومت و الس نا منت وار اُن و دا ڈٹ آ عملدرآمد ءِ پک کننگ کن ہرممکن گام گیج کینہ۔ جاپانی سفیر پارے کہ ہڑتوم آملک آتا نیام اٹ کمکاری ءِ مون آ دننگ کن جاپانی حکومت تینا کڑد ءِ ادا کرسا کیک ۔
