اسلام آباد۔ 14مئی (اے پی پی) ڈپٹی اسپیکر قومی اسمبلی پی آئی اے نا 2020اٹی کریش مروک آ جہاز انا زہمی تا خاہوت آتے معاوضہ غاتا تفننگ آ باسک آتا گڑتی آن پد چکاری نوٹس ءِ موخرکرے۔ چارشنبے نادے آ قومی اسمبلی ٹی پارلیمانی سیکرٹری ایوی ایشن زیب جعفر پارے کہ 2020نا جہاز انا شکست اٹی زوال کروک آ غٹ مسافر آتا خاہوت آتے ادائیگی کننگانے۔ پارلیمانی سیکرٹری زیب جعفر پارے کہ سڑک آ اسہ زالبول اس ہم شہید مس اونا خاہوت ءِ ہم معاوضہ اداکننگا۔ باسک آتا اعتراض آ ڈپٹی اسپیکر غلام مصطفیٰ شاہ چکاری نوٹس ءِ موخرکرے۔
