برسلز۔ 14مئی (اے پی پی) یورپی یونین، بیلجیئم و لکسمبرگ اٹی پاکستان نا سفیر رحیم حیات قریشی بیلجیئم اٹی روس انا سفیر الیگزینڈر توکوونن و بیلجیئم اٹی جاپان نا سفیر ماساہیر ومیکامی تون جتا جتا اوڑدہی کرے۔ بیلجیئم اٹی پاکستانی سفارت خانہ نا ایکس آ پوسٹ انا رداٹ پاکستانی سفیر روسی سفیر ءِ بھارتی جارحیت آن پد سویلی ایشیاٹی امن وسلامتی نا حالیت آتیان معلومدار کرے۔ اوپاک۔ روس تعلقداری و علاقائی و جہانی اہمیت نا باندات آتیا ہم گپ وتران کرے۔ سفیر رحیم حیات قریشی بیلجیئم اٹی جاپان نا سفیر ماسا ہیرومیکامی تون فائدہ ئی اوڑدہی کرے۔ ہڑتوم آ فریق آک تین پہ تینی است خواہی نا امور آتیا گپ وتران کریر و ترندی اٹ مون آ بروک علاقائی و جہانی جغرافیائی و سیاسی پیش رفت آ گپ وتران کریر۔

متعلقہ مضامینمصنف کی طرف سے مزید