اسلام آباد۔ 14مئی (اے پی پی) بنجائی وزیر پرلیمانی امور ڈاکٹر طارق فضل چوہدری پارینے کہ ساڑی آ بھارتی جارحیت اٹی پی ٹی وی، سرکاری نشریاتی ادارہ و قومی میڈیا تینا زمواری تے جوان وڑاٹ پورو کرینو۔ چارشنبے نادے آقومی اسمبلی نا دیوان اٹی وقفہ سوج آتیٹی ڈاکٹر شہلارضانا سوج آ پارلیمانی امور نا بنجائی وزیر ڈاکٹر طارق فضل چوہدری ایوان ءِ پارے کہ پی ٹی وی انٹرنیشنل میڈیا رائٹس و سٹریٹجک قول آتے پورو کننگ کن بھلو خڑچ اس برداشت کرینے۔ ساڑی آ بھارتی جارحیت اٹی ملک نازرک حالیت اسے آن گدرینگاکہ ہراٹی پی ٹی وی و سرکاری نشریاتی ادارہ غاک تینا زمواری تے جوان وڑاٹ پورو کرینو۔ اوپارے کہ پاکستان نا میڈیا جہانی وڑاٹ میڈیائی جنگ سہی و راستی آ تالان رپورٹنگ آن کٹانے۔ ننا میڈیا فعال و زموارانہ کڑد اداکرے۔ اوپارے کہ پی ٹی وی نا بابت ویل آتے ایسر کننگ انگ ءِ۔
