اسلام آباد۔ 14مئی (اے پی پی) قومی اسمبلی ءِ پاننگانے کہ داتم اسکان 13 لکھ اوغان باہوٹ آتے وطن آ پدی روانہ کننگانے۔ چارشنبے نادے آ قومی اسمبلی نا دیوان اٹی انجم عقیل خان نا سوج آ پارلیمانی سیکرٹری مختار علی ملک ایوان ءِ پارے کہ ملک اٹی 30لکھ انا خڑک اوغان باہوٹ ئسر ہرافتے ٹی 8 لکھ 13 ہزار تون ای سی سی کارڈز ارے، 13 لکھ اوغان باہوٹ آتون پی اوآرکارڈز ارے۔ اوپارے کہ داتم اسکان 13 لکھ اوغان باہوٹ آتے وطن آ پدی روانہ کننگانے، ون ڈاکیومنٹ رجیم نا رداٹ ہرااوغان شاری پاکستان آ بننگ خوارہ اوفتے کن درگہ ملوک ءِ ، ہراکہ اوغان شاری درمان ، تعلیم یا کاروبار کن بننگ خوارہ اوفتے تعلقدار دستاویز آتون اوار ویزہ ہلسا پاکستان آ بروئی مریک۔
