اسلام آباد۔ 14مئی (اے پی پی) اسپیکر قومی اسمبلی سردار ایاز صادق قومی اسمبلی نا باسک و وزیراعظم نا خصوصی کمکار مبارک زیب نا باجوڑ اٹی آبائی ہنکین آ آئی ای ڈی دھماکہ نا مذمت ءِ کرسا اوڑکن نیک است خواہی نا درشانی ءِ کرینے۔ چارشنبے نادے آ اسہ مذمتی بیان اسے ٹی اوپارے کہ اللہ تعالیٰ نا شکر ءِ کہ مبارک زیب نا اُراغا دھماکہ غان ہچ ءُ جونی نسخان اس متنے۔ اسپیکر قومی اسمبلی مبارک زیب و اونا خاہوت کن نیک است خواہی نا درشانی ءِ کرے و صوبہ خیبرپختونخوانا تعلقدار کمامدار آتے مبارک زیب نا آبائی ہنکین نا پیشن دھماکہ نا شفاف جاست وپاست کرفنگ و واقعہ ٹی اوار زموار آتے کانود نا مون آ اتنگ نا پارت کرینے۔ اوپارے کہ قومی اسمبلی نا باسک آتا سیکورٹی ءِ پک کننگے و اوفتے ہرممکن رکھ فراوان کننگے۔
