اسلام آباد۔13مئی (اے پی پی): پاکستان پیپلز پارٹی ءِ سروکاں گشتگ کہ ہندوستان ءَ مئے سرا جنگ مسلط کتگ، مئے فورسز دژمن ءِ ارادہ ءِ سرا زوال کنگ ءِ سرا مبارکی ءِ مستحق انت، نوں کہ جنگ بندی بوتگ، کار زوت دیم ءَ بہ رو انت، مزن وزیر شہباز شریف ءَ پاکستان ءَ ہرکس ءَ را وتی ہمراہی ءَ بُرت کنت ءُ مشکلیں وھداں پاکستان ءَ سر بہ کنت۔ اے جیڑہ پاکستان پیپلز پارٹی ءِ نائب صدر ایس۔ رحمان ءَ گوں پاکستان پیپلز پارٹی ءِ پارلیمنٹرینز ءِ جنرل سیکرٹری سدب نیار حسنہ بخاری ءُ مرکزی اطلاعات ءِ سیکرٹری ندیم افضل چان ءَ پریس کانفرنس ءَ گوں تران کنان ءَ گشتانک داتگ۔ سٹرائل شرلی رحمان ءَ گوشت کہ ھندی رسانکدر ءَ پروپیگنڈا برجاہ داشتگ وھدیکہ پاکستانی رسانکدر ءَ زمہ واریں کرد پیلو کتگ۔ آئی ءَ گوشت کہ بھارت ءَ مئے سر ءَ جنگ مسلط کتگ، جنگ آنی سبب ءَ بازیں انسانی جان ءِ تاوان بیت، مودی سرکار گھبراگ ءَ اِنت، بھارت ءَ پہلگام ءِ وئیل ءَ را بہانہ ءُ جواز ءِ رنگ ءَ کارمرد کنان ءَ جنگ مسلط کنگ ءِ کوشست کتگ، بھارت ناشرکار اِنت، مارا امن لوٹ ایت۔ آئی ءَ گوشت کہ پاکستان ءَ بھارت ءَ را لال لائن ءَ چہ گوزگ ءِ موہ نہ داتگ۔ ما گشگ ءَ ایں کہ پہلگام ءِ وئیل ءِ سرا شفاف ءُ بے رھبندیں پٹ ءُ پول کنگ بہ بیت۔ ہندوستان ءَ ہر وھد ءَ کہ واقعہ یے بیت گڑا ھچ چیز دیم ءَ نہ کئیت۔ یک ھندی سرونگ افسرے پاکستان ءَ جاسوسی ءُ ناشرکاری ءِ تہ ءَ دست مان کنگ بیت۔ آئی ءَ گوشت کہ آ وھد ءَ امریکی صدر ڈونلڈ ٹرمپ ءَ وتی کرد پیلو کت ءُ گوشت کہ پاکستان ءُ بھارت یک دومی ءَ گوں گپ بہ کن انت، 87کلاک ءِ جنگ ءَ بھارت ءَ بازیں تاوان رستگ، ما گپ ءُ تران کنگ ءَ ایں ءُ گپ ءُ تران ءِ اُمیت ءَ داریں، مئے نیام ءَ گپ ءُ تران ءِ دل کشمیر انت، امریکی صدر ءَ کشمیر ءِ جیڈھ ءِ سر ءَ میانجی داری ءِ پیشکش کتگ۔ پاکستان پیپلز پارٹی ءِ پارلیمنٹرینز ءِ جنرل سیکرٹری سدب نیار حسنہ بخاری ءَ گشتگ کہ ما امن ءِ وکالت کنوک آں بلے وت ءَ را دیمپان کنگ ءِ حق ءَ وتی گور ءَ داریں ۔ پاکستان پیپلز پارٹی ءِ سرکار ءَ پاکستان ءِ دیمپان ناقابل شکست جوڑ کت۔ پاکستانی میزائل ٹیکنالوجی ھم پاکستان پیپلز پارٹی ءِ سرکار ءِ سوبمندی اِنت ۔ مئے لشکر دژمن ءِ عزائم ءِ ھلاس کنگ ءِ ھاترا مبارکباد ءِ مستحق انت۔ کلیں راج یکمشت اِنت ءُ مئے قوتانی کش ءَ اوشتاتگ اَنت۔ بلاول بھٹو زرداری ءَ سرجمیں راج ءِ دیم ءَ میاں اوستمانی میڈیا ءِ سر ءَ پاکستان ءِ نمائندگی کتگ ءُ وتی ھیال ءُ لیکہ دیم ءَ آؤرتگ اَنت۔ قوم یکجاہ ءُ یکجاھیں رنگے ءَ گندگ بوت۔ پاک فوج ءَ دژمن ءَ را لائکیں پسو دات کہ ایشی ءِ ھاتر ءَ سرجمیں راج ءَ را مبارک بات دیگ بہ بیت۔ آئی ءَ گوشت کہ پاکستان دمگ ءَ امن لوٹیت، جنگ نہ لوٹیت۔ نوں کہ جنگ بندی ءِ کنڈ بوتگ گڈا معاملہ دیمءَ جُنزگی اِنت۔ پاکستانی لشکر ءَ ملک ءِ دیمپان مھکمیں رنگ ءَ کتگ ۔ سرجمیں راج چو دیوالے ءَ دیم ءَ اتک۔ مزن وزیر شہباز شریف ءَ مشکلیں ساھتاں درست وت برت انت ءُ پاکستان ءَ سروک جوڑ کت۔ آئی ءَ گوشت کہ مودی نوں وتی نااہلی ءُ شکست ءَ را پُشدر کنگ ءِ واستہ گپ کنگ ءَ انت۔ بھارت ءَ اولی رند ءَ اُرش کنگ ءَ میان استمانی کانود ءِ خلاف ورزی کتگ۔ راج ءَ را ھم ھندوستان ءِ دست ءَ ملک ءِ سانسور کنگ ءَ گوں دغا کنگ بوھگ ءَ اِنت۔ پیپلز پارٹی ءَ کدی جنگ ءِ حمایت نہ کتگ کہ ایشی ءَ چہ بے گناہیں مردماں ناقابل تلافی تاوان رسیت۔ ما امن لوٹیں بلے ما زانیں کہ یک مسلطیں جنگے ءِ سرا جوانیں رنگے ءَ پسو دیگ بہ بیت کہ ایشی ءِ انوگیں سوبمندی یک پدریں مثالے ۔ صدر آصف علی زرداری ءَ پنت ءُ شون داتگ کہ پاکستان ءِ موقف ءِ گر ءُ دار کنگی انت۔ آئی ءَ گوشت کہ نوں میاں اوستمانی براتی کشمیر ءِ جیڈھ ءِ سر ءَ اقوام متحدہ ءِ قرارداد آنی سر ءَ عمل کنگ ءِ واستہ بھارت ءَ را دلجم بہ کنت۔ مرکزی سیکرٹری انفارمیشن ندیم افضل چان ءَ گوشت کہ مودی ءَ گوستگیں روچ ءَ وتی شکساتگیں گشتانک داتگ، اے مسلطیں جنگ ءَ راج یکجا کتگ، مئے فورسز ءَ سرجمیں راج یکجا کتگ ءُ گوں فخر ءَ سر چست کتگ، نوں اے درستیں فریق آنی فرض انت کہ آ راج ءَ را یکجا دارگ ءِ واستہ وتی سرجمیں کرد ءَ پیلو بہ کن انت۔ آئی ءَ گوشت کہ پاکستان ناشرکاری ءِ آماچ انت ءُ بھارت ناشرکاری ءِ آسراتی کار انت۔
