اسلام آباد۔13مئی (اے پی پی): راجی جان سلامتی ءِ وفاقی وزیر مصطفیٰ کمال ءَ گوشت کہ جان سلامتی ءِ وزارت ءِ چیر دستی ءَ اسپتال آنی آسراتی گہتر کنگ بوھگ ءَ انت تانکہ مستحقیں مردم آناں سیت چست بہ کنت۔ اے ھیالانی درشانی آئی ءَ گریبی ءِ ھلاسی ءِ وفاقی وزیر عمران احمد شاہ ءَ گوں گند ءُ نند ءِ ساھت ءَ کت اَنت۔ دوئیں وزارت فلاحی مول ءُ مراد ءِ واستہ کمک ءِ سر ءَ تپاک کن اَنت ءُ گریبیں نادراہ آنی کمک ءِ واستہ ڈیٹا شیئرنگ سسٹم ءِ بندات کنگ ءِ سر ءَ ھیال ءُ لیکہ کن اَنت۔ اے موہ ءِ سر ءَ وفاقی وزیر برائے چاگردی گہبود عمران احمد شاہ ءَ گوشت کہ پاکستان تحریک انصاف ءَ را معذور آنی واستہ وہیل چیئر آنی بھا زورگ ءِ پنت ءُ شون کنگ بوتگ کہ معذور آنی واستہ یک ھاسیں گامگیج اِنت۔ آئی ءَ گوشت کہ وزارت ءِ گریبی ءِ ھلاسی ءِ ارادہ انت کہ توامیں ادارگ آناں راجی فریم ورک ءِ چیر دستی ءَ آرگ بہ بیت۔ پمز ءُ ایندگر سرکاری اسپتال آنی تہ ءَ پاکستان تحریک انصاف ءِ آسراتی میز ءَ را گیش موثر جوڑ کنگ بیت۔ سدا مصطفیٰ کمال ءَ گوشت کہ دوئیں وزیر آنی نیمگ ءَ یکجائی کار پلیٹ فارم ءِ جوڑ کنگ ءِ پنت ءُ شون جاری کنگ بوتگ۔ دوا ءُ درمان ءِ آسراتی پجاری حکومت ءِ یکجائی ذمہ واری انت ۔ اے ھمکاری ءَ چہ نزوریں تبک ءِ زند ءَ جوانیں بدلی آرگ بنت۔
