وفاقی وزیر برائے تجارت جام کمال خان ءَ چیف ڈویلپمنٹ آفیسر ءَ گوں گند ءُ نند ءَ گوشت کہ بلوچستان ءَ صنعتی دیمروئی ءَ را دیم ءَ برگ ءِ واستہ دھکان ءُ میاں اوستمانی کاروبار آناں آسانیں وام ءِ آسراتی پجاری کنگ بیت

اسلام آباد۔13مئی (اے پی پی): وفاقی وزیر تجارت جام کمال خان ءَ گوشت کہ بلوچستان ءَ صنعتی دیمروئی ءَ را دیم ءَ برگ ءِ واستہ دھکان ءُ میان استمانی ادارگ آناں آسانیں وام ءِ آسراتی پجاری کنگ بیت۔ زالبول آناں بااختیار جوڑ کنگ ءِ واستہ ضلعی تک ءَ کمپلیکس جوڑ کنگ بنت کہ ایشی ءِ تہ ءَ زالبول آنی چیمبر، جم، آڈیٹوریم ءُ تربیتی مراگش یکیں چھت ءِ چیر ءَ دستیاب بنت۔ اے ھیالانی درشانی آئی ءَ سئے شمبے ءِ روچ ءَ چافہ ءِ دیمروئی آفیسر آسہ پروین ءَ گوں وتی کارگس ءَ گند ءُ نند ءِ وھد ءَ کت اَنت۔ جام کمال خان ءَ را آسہ پروین ءِ نیمگ ءَ بلوچستان ءِ سیم سری ضلع آنی تہ ءَ روزگار ءِ موہ پیداک کنگ ءِ یک ٹوھیں منصوبگ ءِ سر ءَ سرپد کنگ بوت۔ وفاقی وزیر ءَ بلوچستان ءَ بندات بوتگیں منصوبگ آنی توسیپ کت ءُ گوشت کہ راستیں گامگیج آنی گوما اے دوریں دمگ آنی تہ ءَ روزگار ءِ موہ آنی تہ ءَ سک باز گیشی بوت کنت۔ آئی ءَ گوشت کہ مارا عملی ءُ بنجاہی کمیونٹی ءِ بنیاد ءَ رھبند ءِ زورگ لوٹ ایت۔ جام کمال خان ءَ سوج دات کہ آئل مارکیٹنگ ءِ درستیں کمپنی آناں سرکاری آسراتی ءِ مراگش جوڑ کنگ ءِ پابند کنگ بہ بیت۔ آئی ءَ گوشت کہ گیمز ءُ دلگوشی ءِ شوبگ ءَ انفراسٹرکچر ءِ دیمروئی سک باز المی انت ۔ وفاقی وزیر ءَ دیو دمگ آنی تہ ءَ لوگی آمدنی ءُ اقتصادی جاور آناں گہتر کنگ ءِ واستہ دھکانیں کاروبار آناں گیش کنگ ءِ سر ءَ زور پر دات۔ آئی ءَ دمگی کارکن آناں دھکانیں کچ ءَ مشنری کار ءِ پھجارینگ ءِ ضلورت ءِ سر ءَ زور پر دات۔ آئی ءَ گوشت کہ درستیں کان کنی ءِ واستہ بھاری مشینری ءِ ضلورت نہ اِنت ءُ دھکانیں کان کن آنی آسراتی ءَ چہ مزنیں روزگار ءِ موہ پیداک بوت کنت۔ دیوان ءَ ہنرمندیں کار ءِ دیمروئی ءِ تہ ءَ تکنیکی وانگ ءُ زانگ ءِ کرد ءِ سر ءَ زور پر دیگ بوت ءُ جتا جتائیں شوبگ آنی تہ ءَ تربیت ءِ پروگرام آنی تہ ءَ گیشی ءِ پنت ءُ شون کنگ بوت۔ وفاقی وزیر ءَ لائیو سٹاک، ماہی گیری ءُ خرما ءِ برآمدات ءِ تہ ءَ توانائی ءِ ذکر کنان ءَ گودام، کشتارگاہ ءُ کولڈ اسٹوریج ءِ وڑیں سیادی داروکیں بنیاتی ڈھانچہ آنی دیمروئی ءِ ضلورت ءِ سر ءَ زور پر دات۔ آئی ءَ سوج دات کہ اے آسراتی نجی شعبہ یا بنجاہی انجمن آنی نیمگ ءَ چہ اقتصادی سرگرمی ءَ را دیمروئی دیگ ءِ واستہ چلائینگ بوت کن اَنت۔ وفاقی وزیر ءَ چیف ڈویلپمنٹ آفیسر آسہ پروین ءَ را پنت ءُ شون کتگ کہ آ درستیں پیش کرتگیں منصوبگ آناں اولیت بہ دنت ءُ آیوکیں سرکاری شعبہ ءِ دیمروئی پروگرام ءَ ہوار کنگ ءِ واستہ گامگیج بہ زوریت۔ آئی ءَ پنت ءُ شون کت کہ آیوکیں لھتیں روچ آنی تہ ءَ تفصیلی ءُ ٹوھیں تجویز تیار کنگ بہ بیت ءُ مزن وزیر ءَ را پیش کنگ بہ بیت۔