راولپنڈی۔13مئی (اے پی پی):بھارتی اُرشانی وھد ءَ اسکواڈرن ءِ سروک عثمان یوسف ءِ ھمراھی ءَ 11 سپاھیگ ءُ 51 لس مردم شھید کنگ بوتگ اَنت۔ پاک فوج ءِ پبلک ریلیشنز ڈیپارٹمنٹ ءِ رد ءَ راستی ءُ وطن ءِ رکھینگ ءِ وھد ءَ 11 فوجی شھید بوتگ اَنت ءُ ھندی زوراکی ءِ پسو ءِ وھد ءَ 78 فوجی ٹپیگ بوتگ اَنت۔ بھارتی اُرشانی تہ ءَ شھید بوتگیں مردمانی تہ ءَ سکواڈرن لیڈر عثمان یوسف، چیف ٹیکنیشن اورنگزیب، سینئر ٹیکنیشن نجیب، کارپورل ٹیکنیشن فاروق اور سینئر ٹیکنیشن مبشر ، نائیک عبدالرحمن، لانس نائیک دلاورخان، لانس نائیک اکرام اللہ، نائیک وقار خالد، سپاہی محمد عدیل اکبر اور سپاہی نثار شہید بوتگ۔ بھارتی لشکر ءَ 6 ءُ 7 مئی ءَ بے سوبیں اُرش کتگ اَنت ءُ اے اُرشانی تہ ءَ 40 لس مردم شھید بوتگ اَنت کہ آھانی تہ ءَ 7 جنین ءُ 15 زھگ ھوار اَنت ءُ 121 بے گناھیں لس مردم ٹپیگ بوتگ اَنت۔ اے اُرشانی تہ ءَ زالبول، زھگ ءُ پیریں مردم ھوار بے گناھیں شھری مردم نشانگ جوڑ کنگ بوتگ اَنت۔ ٹپیانی تہ ءَ 10 جنین ءُ 27 زھگ ھوار اَنت ۔ اے زالمیں اُرش ءِ پسو ءَ پاکستانی لشکر ءَ راستی ءِ جھد ءِ بیرک ءِ چیر ءَ لائکیں پسو دات۔ آپریشن باناگن مارسس ءِ وسیلگ ءَ درستیں ءُ ھاسیں جوابی اُرش کنگ بوتگ اَنت۔ آئی ایس پی آر ءِ رد ءَ شھید آنی بالادستیں قربانی ءُ آھانی بے مٹیں راج دوستی یک ابدی علامت اِنت۔ شہیدانی قربانی مدام گیر آرگ بیت۔ قوم تجاوزات ءِ دیم ءَ پرجزم اِنت۔ آئی ایس پی آر ءِ گشگ اِنت کہ اے درگت ءَ ھچ وڑیں ابہام مہ بیت کہ پاکستان ءِ وت واجہی یا سرزمین ءِ یکوئی ءَ را چیلنج کنگ ءِ ھرچ وڑیں کوشست ءَ را لائکیں ءُ فیصلہ کنوکیں پسو دیگ بیت۔
