اسلام آباد۔ 13مئی (اے پی پی) قومی اسمبلی گھرکی ادارہ سائنس و ٹیکنالوجی بل 2024انا گیشتری سلاہ اٹ منظوری ءِ تس۔ سے شنبے نادے آ گھرکی ادارہ سائنس و ٹیکنالوجی بل 2024ءِ قومی اسمبلی ٹی قائمہ کمیٹی نا رپورٹ کروک دروشم اٹ ایوان اٹ پیش کننگ نا تحریک پیش کننگا ہرانا حکومت مخالفت ءِ کتو ، اوکان پد بل انا شق وار منظوری ءِ ہلنگا۔ بل انا شق 5اٹی عالیہ کامران ترمیم پیش کرے ہرانا حکومت مخالفت ءِ کرے۔ ثمینہ خالد گھرکی پارے کہ 6تُو آن دا بل اٹی درستی راستی کرفینے، عالیہ کامران نا ترمیم ءِ مسترد کننگا۔ آغارفیع اللہ شق 6 اٹی ترمیم درستی راستی کرفساپارے کہ 25 درسد حقدار چناتے میرٹ آ ادارہ ٹی مفت داخلہ بایدے ملے۔ محرک ثمینہ خالد گھر کی نا کنڈآن ترمیم نا مخ تفی آ دا ترمیم ءِ منظور کننگا۔ شق وار منظوری آن پد خالد گھرکی بل ءِ منظوری کن پیش کرے۔ قومی اسمبلی گھرکی ادارہ سائنس و ٹیکنالوجی بل 2024نا گیشتری سلاہ اٹ منظوری ءِ تس۔
