پشاور۔ 12 مئی (اے پی پی): بنجاھی وزیر ءُ مسلم لیگ نواز ءِ سروک امیر مقام ءَ گشتگ کہ بھارت ءِ ھلاپ ءَ پاکستان ءِ موثر کارروائی ءَ چہ دنیا ءَ اے گپ پدر بوتگ کہ پاکستانی فوج چنچو مھکم ءُ توانمند انت۔ آئی ءَ گوشت کہ راجی ءُ میاں اوستمانی تک ءَ پاکستان ءِ شرپ ءُ شرپ ءِے برز کنگ بوتگ۔ پشاور ہائی کورٹ بار ایسوسی ایشن ءِ یک مراگشے ءَ گوں تران کنان ءَ امیر مقام ءَ گوشت کہ پہلگام ءِ وئیل ءِ ھوالگ ءَ پاکستان ءَ اقوام متحدہ ءِ کونسل ءَ گوں آزات پٹ ءُ پول کنگ ءُ ہر وڑیں کمک ءِ پجارینگ ءِ بابت ءَ پدر ءُ پدریں رنگ ءَ گپ ءُ تران کتگ۔ آئی ءَ گوشت کہ مزن وزیر ءَ ھم یک ھاسیں موقف ءِ زرتگ کہ اے وئیل ءِ ھوالگ ءَ ساپ ءُ سلہ ایں انکوائری کنگ بہ بیت تانکہ راستی سہرا بہ بنت۔ بنجاھی وزیر ءَ گشتگ کہ ہندوستان ءَ پاکستان ءَ را دروگیں بھتام ایر کنان ءَ بدنام کنگ ءِ کوشست کتگ بلے ایشی ءِ بدل ءَ دگنیا ءِ دیم ءَ آ پدر کنگ بوتگ۔ ایف آئی آر درج کنگ ءَ چہ بھارت ءَ را نہ ایوک ءَ بدنام کنگ بوتگ بلکیں آئی ءِ میاں اوستمانی تک ءَ پوزیشن ھم نزور کنگ بوتگ۔ اے موہ ءِ سر ءَ امیر مقام ءَ گوشت کہ سرجمیں پاکستانی راج ءَ پاکستانی اُرد ءِ گوما یکوئی ءِ درشان کت، ءُ ھمے یکوئی مئے مستریں توان اِنت۔ مرچی وھد انت کہ ما درست یکجاہ بہ بئیں ءُ پاکستان ءِ واستہ بیجیڈاں ءُ ذاتی سیت چہ راجی ایمنی ءَ را اولی تر بہ کنیں۔ آئی ءَ ہائی کورٹ بار ایسوسی ایشن ءِ نوک گچین بوتگیں کابینہ ءَ را ھم مبارک بات دات ءُ گوشت کہ ملک ءَ را اے وڑیں بحران آنی تہ ءَ چہ درکنگ ءِ واستہ قانونی براتی ءَ مدام ھاسیں کرد پیلو کتگ۔ امیر مقام ءَ دل یکیمی دات کہ حکومت وکیل آنی جیڈھ آنی گیواری ءِ واستہ ھرچ وڑیں کمک ءِ وسیلگ ءَ کمک کنت۔
