اسلام آباد۔ 12مئی (اے پی پی) مسعود اظہر نا ایلم حافظ عبدالرؤف نا خلنگ انگ نا خبرآک بھارتی میڈیا ٹی گردش کننگ ءُ۔ بھارتی حکومت ومیڈیا ہڑتوم آک دابابت دروغ پروپیگنڈا کننگ اٹ لگوک ءُ۔ مولانا حافظ عبدالرؤف نا نماز ءِ جنازہ نا عکس آتے برطانیہ ٹی تعینات بھارتی سفیر سکائے نیوز نا پروگرام اٹی نشان تس۔ حافظ عبدالرؤف نا خلنگ انگ نا خبر بے بنداو و دوغ آ تالان ءُ۔ ڈی جی آئی ایس پی آر پریس کانفرنس اٹی حافظ عبدالرؤف نا خلنگ انگ نا بھارتی پروپیگنڈا تے بے نقاب کرے۔ پریس کانفرنس اٹی شاہدی نا وڑاٹ حافظ عبدالرؤف نا تازہ ویڈیو بیان ءِ میڈیا نا مو ن آ پیش کننگا۔ حافظ عبدالرؤف پاکستان نا سیاسی جماعت تون گنڈوک ءِ۔ بھارتی حکومت حافظ عبدالرؤف نا عکس آتے غلط کاریم اٹ اتسا جہانی کہول آ پاکستان ءِ بدنام کننگ نا کوشست کرے۔ بھارت نا دا وطیرہ مسنے کہ بیدس شاہدی آن دوبہ پاکستان آ خلیک۔

متعلقہ مضامینمصنف کی طرف سے مزید