اسلام آباد۔ 20 جولائی (اے پی پی) پاکستان بھارتی ڈپٹی ہائی کمشنر ئِ دفتر خارجہ غا بٹنگسا ایل او سی آ بھارتی فوج انا کنڈآن بے خار سم کاری نا ترندی اٹ مذمت ئِ کرینے و دا سم کاری ٹی 2 بندغ نا شہیدی آ شدید برانز کرے۔ دفترخارجہ نا ترجمان نا رداٹ ڈائریکٹر جنرل (سارک و سویلی ایشیائ) پنچ شمبے نا دے بھارتی ڈپٹی ہائی کمشنر جے پی سنگھ ئِ دفتر خارجہ غا بٹنگا و بھارت نا کنڈآن19 جولائی آ نکیال و نیزہ پیر سیکٹر اٹی ایل او سی آ بھارتی فوج انا بے خار سم کاری ٹی 2شاری نا شہیدی آ برانز ریکارڈ کرفے۔ بھارتی فورس آتا سم کاری آن اسہ شاری اس نکیال و ارٹ میکو نیزہ پیر سیکٹر اٹی شہید وخت اس کہ پنچ شاری ٹھپی مسر۔ دا چرجوئی ٹی بھارتی ڈپٹی ہائی کمشنر ئِ برانزی مراسلہ اس ہم تننگا ہراٹی پاننگاکہ پاکستان نا کنڈآن وار وار برانز نا باوجود بھارت نا کنڈآن سیز فائر نا پدریسہ خلاف ورزیک جاری ئُ۔ اینخو نا سال اٹی بھارت داوخت اسکان ایل او سی و ورکنگ باﺅنڈری آ 594وار سیز فائرنا خلاف ورزی کرینے۔ بھارتی ڈپٹی ہائی کمشنر ئِ پاننگاکہ سویلین ئِ رزاک اٹ نشانہ جوڑ کننگ بے کچ مذمت و انسانی وقار و جہانی کانود نا خلاف ورزی ئِ۔ بھارت آ زور شاغنگاکہ او سیز فائر معاہدہ نا پورو پاسداری ئِ کے۔
