اسلام آباد۔ 14مارچ (اے پی پی) بنجائی وزیر انسانی حق سینیٹر اعظم نذیر تارڑ پاکستان و مچ آ دنیا ٹی ہندو برادری ءِ رنگ و خوشی تیان پُر تہوار ہولی نا پرمسرت وخت آ مبارکبادی پیش کرینے و پارینے کہ دا تہوار اومیت، تجدید ونیکی نا بدی آ سرسہبی نا نشانیءِ۔ جمعہ نادے آ وزارت انسانی حق آن جاری پریس ریلیز نا رداٹ بنجائی وزیر پارے کہ داننے داحقیقت نا یات ترفک کہ تنوع اٹی طاقت ءِ و ننا راج اٹی ہم گرنچی و تین پہ تینی شرف نا بے پناہ اہمیت ءِ۔ اوپارےکہ پاکستان اسہ ہندن ءُ ملک اسے ہراڑے غٹ مذہب آتا مخلوق اونا شونداری ٹی بریبر نا کڑد ادا کیرہ و ننا آئین غٹ شاری تے بریبر حق و آجوئی تا ضمانت ایتک، ببو دا ہولی نا وخت آ ایلمی و یکجہتی نا رشتہ غاتے پین سوگو کین و اسہ ہندن ءُ راج اس جوڑ کین ہرا رواداری وشمولیت نا عکاس مرے، غٹ ءِ ہولی نا خوشی، امن و شونہالی مبارک مرے۔
