اسلام آباد۔14مارچ (اے پی پی): مزن وزیر محمد شہباز شریف ءَ ملک ءَ چہ ناشرکاری ءِ ھترہ ءِ ھلاسی ءِ واستہ پاکستان ءِ مھکمیں جزم ءِ درشانی کتگ ءُ پاکستان ءُ یورپی یونین ءِ نیام ءَ دو نیمگی کمک ءُ شریکداری ءَ را گیش مھکم کنگ ءِ واھشت ءِ درشانی کتگ۔ s یورپی یونین ءِ سفیر ڈاکٹر رینا کوچینی ءَ گوں گپ ءُ تران کنان ءَ آئی ءَ مزن وزیر ءَ گوں گند ءُ نند کت مزن وزیر ءَ یورپی یونین ءِ سفیر ءِ منت گپت کہ آئی ءَ بلوچستان ءَ جعفر ایکسپریس ٹرین ءِ سر ءَ بوتگیں ناشرکاری اُرش ءِ سر ءَ دلپدردی درشان کتگ ءُ پاکستان ءِ ملک ءَ چہ ناشرکاری ءِ ھلاسی ءِ ھاترا دلپدردی ءِ درشانی کتگ۔ مزن وزیر ءَ گوشت کہ پاکستان ءُ یورپی یونین ءِ نیام ءَ دیراں چہ دوستیں سیادی است انت ءُ اے سیادی آنی تہ ءَ جوانیں دیمروئی ءِ سر ءَ دل یکیمی ءِ درشان کت۔ آئی ءَ پاکستان ءِ یورپی یونین ءِ گوما وتی کوآپریٹو شراکت داری ءَ را گیش مھکم کنگ ءِ واھشت ءِ پدا پدر کت کہ ایشی ءِ بندات ءَ چہ پاکستان ءُ یورپی یونین ءِ دوئیں ملک آناں نپ رستگ گند ءُ نند ءَ پاکستان ءُ یورپی یونین ءِ سیادی ءِ جتا جتائیں تک ءُ پھنات آنی سر ءَ ھم گپ ءُ تران کنگ بوت۔ مزن وزیر ءَ مئی ءَ اسلام آباد ءَ برجم دارگ بوھوکیں اولی پاکستان ءُ یورپی یونین ءِ مزنیں تک ءِ کاروباری فورم ءِ بنگیج کت ءُ یورپی یونین ءِ سفیر ءَ را فورم ءَ را سوبمند کنگ ءِ واستہ پاکستان ءِ سرجمیں کمک ءُ آسراتی ءِ دل یکیمی دات۔
