اسلام آباد۔14مارچ (اے پی پی): بنجاھی وزیر تجارت جام کمال خان ءَ عمان ءِ سرکاری تر ءُ تاب ءِ وھد ءَ انویسٹ عمان لاؤنج ءِ تر ءُ تاب کتگ۔ جمعہ ءِ روچ ءَ وزارت تجارت ءِ نیمگ ءَ جاڑی بوتگیں بیان ءِ رد ءَ لاؤنج یک مرکزی پلیٹ فارم ءِ بستار ءَ کار کنت کہ ایشی ءِ تہ ءَ سرمایہ کاری ءِ موہ پیش کنگ بنت، سرمایہ کار آنی واستہ آسراتی پجاری کنگ بنت ءُ اقتصادی منصوبگ آنی سر ءَ چمشانک دیگ بیت کہ آ دمگی ءُ درملکی سرمایہ کاری ءِ دیمروئی ءَ کمک کن اَنت تر ءُ تاب ءِ ساھت ءَ بنجاھی وزیر ءَ را سرمایہ کاری ءِ تہ ءَ ھواریں کارروائی آنی بابت ءَ سرجمیں بریفنگ دیگ بوت۔ عمان ءِ جتا جتائیں اقتصادی شعبہ آں دستیابیں اتحادات۔ انویسٹ عمان ءِ حکام ءَ عمان ءِ سرمایہ کار دوستیں پالیشی ءُ درملکی سرمایہ کاری ءَ را دیمروئی دیگ ءِ واستہ منظور کتگیں سادہ ءُ موثر طریقہ کار ءِ سر ءَ زور پر دات ءُ بنجاھی وزیر جام کمال خان ءَ انویسٹ عمان ءِ منظم رپک ءِ توسیپ کت ءُ گوشت کہ اے پاکستان ءِ ون ونڈو آسراتی ءِ نوکیں ورژن اِنت کہ سرمایہ کار آناں یک جاہ ءِ سر ءَ آسراتی ءِ پھجارینگ ءِ اصول ءِ سر ءَ بندوک اِنت۔ آئی ءَ سرمایہ کاری عمان ءُ عمان سرمایہ کاری اتھارٹی ءِ ضلورت ءِ سر ءَ زور پر دات کہ آ پاکستان ءِ ھاسیں سرمایہ کاری آسراتی کونسل ءِ گوما شریک بہ بنت تانکہ دو نیمگی سرمایہ کاری ءَ را گیش دیمروئی دیگ بہ بیت اے تر ءُ تاب پاکستان ءُ عمان ءِ سرمایہ کاری ءِ سیادی ءَ را مھکم کنگ ءُ ادارگی تک ءَ اقتصادی کمک ءَ را دیمروئی دیگ ءِ واستہ یکجائی عزم ءِ درشان اِنت۔
