اقوام متحدہ – 12 مارچ (اے پی پی): پاکستان ءَ یورپی یونین ءِ غزہ ءُ مغربی کنارہ ءِ کمک ءَ را وش آتک کتگ ءُ اقوام متحدہ ءِ بجٹ ءِ ھاتر ءَ یورپی یونین ءِ برجاھیں کمک ءُ اقوام متحدہ ءِ امن مشن ءُ امن کارانی ھاتر ءَ یورپی یونین ءِ جزم ءِ سر ءَ زور پر داتگ ءُ گوشت کہ یورپی یونین اقوام متحدہ ءِ امن مشن آنی کمک ءَ برجاہ دارگ ءَ اِنت۔ اقوام متحدہ ءِ گوما یورپی یونین ءِ شریکداری ءِ بابت ءَ کیورٹی کونسل ءَ پاکستان ءِ اقوام متحدہ ءِ تہ ءَ دائمی نمائندہ منیر اکرم ءَ اے گپ ءِ سر ءَ زور پر دات کہ اقوام متحدہ ءِ چارٹر ءِ چیر دستی ءَ یک جھان ءِ رھبند ءِ ضلورت اِنت تانکہ دائمی امن، پائیدار ءُ ھواریں دیمروئی ءِ دیمروئی بہ بیت۔ پاکستانی نمائندہ ءَ اے درگت ءَ یوکرین ءَ زوتیں امن ءِ لوٹ کتگ ءُ غزہ ءُ مغربی کنارہ ءَ بنی آدمی کمک ءِ واستہ یورپی یونین ءِ کمک ءِ وش اتک کتگ ءُ ھمے رنگ ءَ اقوام متحدہ ءِ فلسطین پناہ گزین آنی کمک ءُ کارانی ادارگ ءِ ھم وش اتک کتگ۔ آئی ءَ گوشت کہ توامیں جیڈھ آں اقوام متحدہ ءِ منشور ءِ رھبند آنی رد ءَ گیش ءُ گیوار کنگ بہ بیت۔ پاکستانی نمائندہ ءَ گوشت کہ ما یورپی یونین ءِ نیمگ ءَ چہ عرب ءُ نوں اسلامی کمک ءِ گل ءِ دو ریاستی گیواری ءِ بنیاد ءَ فلسطین ءَ غزہ ءِ نوک جوڑیشت ءُ امن منصوبگ ءِ کمک ءَ را ھم وش اتک کن ایں ۔ آئی ءَ گوشت کہ یک دیمروئی کنوکیں ملک ءِ بستار ءَ پاکستان یورپی یونین ءِ پیرس موسمیاتی معاہدے، 2030ءِ ایجنڈا برائے برجائی ءِ واستہ، میاں اوستمانی مالیاتی آرکیٹیکچر ءِ تہ ءَ اصلاحات، آفت ءَ چہ آماچیں مردم آناں بنی آدمی کمک ءِ پھجاری ءِ سر ءَ ھم ساڑات کنت۔ آئی ءَ 15باسکی کونسل ءَ را گوشت کہ اے وھد ءَ کہ میاں اوستمانی دیمروئی کمک ءِ سر ءَ مزنیں دباؤ ءِ تہ ءَ اِنت، یورپی یونین ءِ برجاھیں کمک ءِ ھوار اقوام متحدہ ءِ ادارگ، فنڈز ءُ پروگرام آنی وسیلگ ءَ ھم سک باز المی بیت۔ آئی ءَ گوشت کہ ما اسپین ءَ دیمروئی ءِ واستہ مالی کمک ءِ ھوالگ ءَ چارمی میاں اوستمانی کانفرنس ءَ ٹھوس آسراتی ءِ ھاترا یورپی یونین ءِ گوما کمک کنگ ءِ ودار ءَ ایں ۔ پاکستانی نمائندہ ءَ یورپی یونین ءُ پاکستان ءِ شریکداری ءَ را مھکم، سرجمیں ءُ پراھ ءُ شاھگانیں رنگ ءَ گوشت کہ یورپی یونین یک یونٹ ءِ بستار ءَ پاکستان ءِ مستریں تجارتی ءُ سرمایہ کاری شریک اِنت۔ آئی ءَ گوشت کہ جی ایس پی پلس (جنرلائزڈ اسکیم آف پریفرینسز پلس) ءَ تجارت ءِ دیمروئی ءِ تہ ءَ مزنیں کرد پیلو کتگ ءُ اقتصادی کمک ءِ واستہ ون ون ماڈل ءِ رنگ ءَ کار کتگ ءُ اے درگت ءَ جتا جتائیں پروگرام آنی حوالہ داتگ۔
