پشاور۔ 12 مارچ (اے پی پی) بنجائی وزیر ڈٹ بندی و شونداری احسن اقبال پارینے کہ حکومت سنبھالنگ نا وخت پاکستان نا ڈیفالٹ نا خبرآک جہانی کہول آ گردش اٹی ئسر۔ 2018اٹی ملک اٹی کرپشن انتہاغا ئس، ننا حکومتی پالیسی تا سوب آن ڈیفالٹ نا خبر آک دم تسر و ساڑی حکومت ڈیفالٹ مرسا ملک ءِ تینا نت تیا سلفے، پاکستان اسہ پوسکن آ اڑان اسے کن تیار ءِ۔ داخیال آتا درشانی ءِ او اڑان پاکستان اٹی ورناتا کڑد انا بابت اڈہلوک سیمینار و اوکان پد میڈیا ٹاک آن تران کرساکرے۔ دود آن تران کرسا احسن اقبال پارے کہ اڑان پاکستان نا ڈٹ پاکستان ءِ پائیدار شونداری نا کنڈآ دننگ کن بناکرینے داڑکن ننے تینا ملک اٹی امن و سوگوی نا فضاءِ ودی کروئی مریک، ننے تینا راجی رویہ غاتیٹی بدلی اتوئی مرے، ننا 40 درسد چناک غذائیت نا کمتی نا گواچی ءُ، ہرا اوفتا ذہنی لائخی تے ودفنگ کن الیپک، استاد ءِ راجی رویہ غاتیٹی بدلی کن کاریم کننگ نا کنڈآ چکار کروئی مریک، نن اڑان پاکستان نا ڈٹ پاکستان ءِ پائیدار شونداری نا کنڈآ دننگ کن بناکرینے، ننے تینا شونداری نا کسر اٹی تینا گوہوک آ ہند ءِ پدی اتوئی ءِ، شونداری نا دوئی کننگ کن ننے تینا ملک اٹی امن و سوگوی نا فضاءِ ودی کروئی مریک ۔
