اسلام آباد۔ 12 مارچ (اے پی پی) قومی اسمبلی ءِ پاننگانے کہ تدوک آ لس گچین کاری تیٹی ووٹرآتیکن گیشتری پولنگ اسٹیشن تے اسہ کلومیٹر نا تہہ ٹی جوڑ کننگ ءِ پک کننگاسس۔ سے شنبے نادے آ قومی اسمبلی ٹی وقفہ سوج آتیٹی عالیہ کامران نا سوج آ ڈاکٹر طارق فضل چوہدری ایوان ءِ پارے کہ الیکشن ایکٹ انا رداٹ ووٹرآتیکن اسہ کلومیٹراسکان نا علاقہ ٹی پولنگ سٹیشن جوڑ کننگ المی ءِ۔ اوپارے کہ 2018ٹی 85ہزار 58پولنگ اسٹیشن ئسر، 2024ٹی 7 ہزار پولنگ اسٹیشن تا ودکی کننگا، داغٹ عمل الیکشن ایکٹ انا تعلقدار دفعہ غاتا رداٹ پورو کننگا، گیشتر ہند آتیا پولنگ اسٹیشن تیٹی داخلہ و ہموکان پیش تمنگ نا کسر آک جتا جتا ئسر ہراڑے دا آسراتی الوکہ، اونا رداٹ ایوان ءِ معلومدار کننگک۔ اوپارے کہ سیکورٹی و ایلو سوب آتا بناء آ گڑاس پولنگ اسٹیشن اسہ کلومیٹر آن زیات نا علاقہ ٹی جوڑ کننگاسر ولے داڑکن تعلقدار قاعدہ و ضابط ناپاسداری ءِ پک کننگاسس۔
