اسلام آباد۔ 12مارچ (اے پی پی) چیئرمین سینیٹ سید یوسف رضاگیلانی جعفر ایکسپریس آ جلہو کروک آ دہشت گرد آتے جہنمی کننگ آ سیکورٹی فورس آتے خراج تحسین پیش کرینے۔ چارشنبے نادے آ سینیٹ سیکرٹریٹ آن جاری بیان نا رداٹ چیئرمین سینیٹ پارے کہ سیکورٹی فورس آتا ورناک تینا جون تا پرواہ ءِ کننگ آن بیدس دہشت گرد آتا ناپاک عزم ءِ مش تا کریر۔ ملک انا بہادر ورناتا قربانیک زیان مفسہ ۔ سید یوسف رضاگیلانی پارے کہ قوم تینا بہادر ورناتا بہادری و قربانی تے سلام پیش کیک۔ دہشت گرد آتا برخلاف برسر پیکار فوج و کانود نافذ کروک آ ادارہ غاتیا گمر کینہ۔ پاکستان نا دشمن تے ہرپڑآ شکست تننگک۔ ملک اٹی امن وسوگوی کن فورس آتا خذمت ستاکڑزک۔ سید یوسف رضاگیلانی نا سیکورٹی فورس آتا شہید آتے خراج عقیدت، ٹھپی ورناتے زوت دراخہ جوڑی کن دعا۔
