اقوام متحدہ۔ 12 مارچ (اے پی پی) پاکستان غزہ و دیکی کنارہ کن یورپی یونین نا امداد نا خیرمقدم ءِ کرینے و اقوام متحدہ نا بجٹ کن یورپی یونین نا پدریسہ مخ تفی و اقوام متحدہ نا امن مشن و امن نا سرجزآتیکن یورپی یونین نا وابستگی ءِ مون آ تخسا پارے کہ یورپی یونین بدل مروک جغرافیائی و سیاسی حالیت آتیان پد ہم اقوام متحدہ نا امن مشن نا کمکاریءِ برجاتخانے۔ اقوام متحدہ ٹی پاکستان نا آخبتی مندوب منیر اکرم اقوام متحدہ تون یورپی یونین نا شریداری آ سلامتی کونسل نا سالانہ حوال اٹی تران کرسا داہیت آ زور شاغا کہ پائیدار امن، پائیدار و جوان شونداری ءِ مون آ دننگ کن اقوام متحدہ نا چارٹر نا رداٹ جہانی نظام نا گرج ءِ۔ پاکستانی مندوب دا چرجوئی ٹی یوکرین اٹی زوت امن قائم کننگ آ زور شاغا و یورپی یونین نا کنڈآن غزہ و دیکی کنارہ ٹی انسانی امداد تون اوار اوار فلسطینی پناہ گزین تیکن اقوام متحدہ نا ریلیف اینڈ ورکس ایجنسی (یواین آر ڈبلیو اے) نا مخ تفی آ یورپی یونین نا خیرمقدم ءِ کرے۔ اوپارے کہ غٹ جھیڑہ غاتے اقوام متحدہ نا چارٹر نا اصول آتار داٹ بایدے ایسر کننگے۔ پاکستانی مندوب پارے کہ نن عر ب و داسہ اسلامی کمکاری  نا تنظیم (اوآئی سی) نا اِرا ریاستی ایسری نا بنداو آ فلسطین اٹ غزہ نا پوسکن تفنگ و امن نا ڈٹ آتیکن یورپی یونین نا مخ تفی نا ہم خیرمقدم ءِ کینہ۔

متعلقہ مضامینمصنف کی طرف سے مزید