اسلام آباد۔ 11 مارچ (اے پی پی) بنجائی وزیر خزانہ ومحصولات سینیٹر محمد اورنگزیب پارینے کہ چاگڑدی بدلی و آبادی ٹی ودکی نا اِرا بنداوی ول آتا ایسری اسکان پاکستان اٹ زرگزرانی سوگوی و شونداری پائیدار مننگ کپک، پاکستان اقوام متحدہ تون اوار تینا شونداری شریدار آتون اواری اٹ پائیدار شونداری نا ہدف آتا دوئی کننگ و اسہ سوگو، پائیدارآخبت اسے نا تفنگ کن کاریم کرسا کیک۔ اوداہیت ءِ سے شنبے نادے آ اقوام متحدہ نا ریزیڈنٹ کوآرڈی نیٹر محمد یحییٰ تون اوڑدہی ٹی پارے۔ اوڑتون اواریونیسف نا نمائندہ عبداللہ فاضل ہم ساڑی ئس۔ اوڑدہی ٹی وام تا بست وبند، وام تا تنظیم نو، چاگڑدی فنانسنگ ، پائیدار شونداری نا ہدف و پاکستان نا چاگڑد دوست توانائی نا کنڈآ گدریفنگ کون آاہم امور آ گپ وتران کننگا۔ داوخت آ اقوام متحدہ نا ریزیڈنٹ کوآرڈی نیٹر آفس نا سروک افکے بوٹس مین و یو این ایف پی اے نا نمائندہ ڈاکٹر لوئے شبانہ آن بیدس وزارت خزانہ نا سینئر آفیسر آک ہم ساڑی ئسر۔ وزیرخزانہ گپ وتران اٹی داہیت آ زور شاغا کہ پاکستان ءِ چاگڑدی بدلی و آبادی ٹی ودکی کون آ اِرا بھلو وجودی چیلنج مون تروک ءِ، ہراتم اسکا دا اِرا بنداوی ویل آتے ایسر کننگپک، پاکستان اٹی زرگزرانی سوگوی و شوندار ی پائیدار مننگ کپک۔ وزیرخزانہ شونداری شریدار آتا تکنیکی کمکاری نا اہمیت ءِ تالان کرے تانکہ ہندن ءُ مالی وڑاٹ قابل عمل ڈٹ جوڑ کننگ مرے ہرا جہانی آب انا رداٹ مانیٹر کننگر و اوفتا شفاف رپورٹ ءِ پک کننگے۔
