اسلام آباد۔ 11مارچ (اے پی پی) وزیراعظم محمد شہباز شریف اسرائیل نا کنڈآن فلسطینی علاقہ غاتیٹی انسانی ہمدردی نا بنداو آ انسانی امداد نا معطلی نا مذمت ءِ کرسا پارینے کہ روچہ مبارک نا مقدس تُو اٹی داوڑنا جابرانہ گام گیج ءِ منپنہ، جہانی برادری اسرائیلی پابندی تے چٹفنگ کن دمدستی گام گیج کے۔ سے شنبے نادے آ راجی رابطہ نا ویب سائٹ ایکس آ اسہ پوسٹ اسے ٹی وزیراعظم پارے کہ نن فلسطینی علاقہ غاتے مون تروک آ خور و دوائی تتون اوار انسانی ہمدردی نا بنداو آ امداد معطل کننگ و علاقہ ٹی دیر انا فراوانی ءِ محدود کننگ کن بجلی نا فراوانی ءِ توننگ نا اسرائیلی گام انا مذمت ءِ کینہ، روچہ مبارک نا مقدس تُو اٹی داوڑنا جابرانہ گام گیج بے کچ قابل مذمت ءِ انتئے کہ اوفتیان زالبول وچناتتون اوار لکھ آکودک فلسطینی تا زند خطرہ غاتا گواچی ءِ۔
