اسلام آباد-11 مارچ(اے پی پی): مزن وزیر محمد شہباز شریف ءَ راجی نمائندگ ءُ وزیر ءَ رمضان ءِ ساھت ءَ الس ءَ را ارزانیں المی ئیں سامان آنی پھجارینگ ءِ واستہ رمضان ءِ بازار، سہولت ءِ اسٹال ءُ ایندگر نامینتگیں جاھ آنی تر ءُ تاب ءَ بہ کن اَنت۔ مردم ءَ سزا دیگ بیت۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءِ سروکی ءَ اسلام آباد ءَ رمضان ءِ ساھت ءَ وردن ءُُ وراک ءِ سامان ارزانیں نرخ ءَ پھجاری ءِ واستہ جوڑ کتگیں کمیٹی ءِ کارکردگی ءِ ھوالگ ءَ چار ءُُ تپاسی دیوان برجم دارگ بوت۔ گند ءُ نند ءَ وفاقی وزیر احسن اقبال، احد خان چیما، عطا اللہ تارڑ، طارق فضل چوہدری، حنیف عباسی، وزیر ءِ مملکت طلال چوہدری ءُ سیادی داروکیں ادارگ آنی مزنیں افسر آں بہر زرتگ۔ مزن وزیر ءَ کمیٹی ءُ اسلام آباد انتظامیہ ءِ کارکردگی ءَ را ساڑات کہ رمضان ءِ ساھت ءَ وردن ءُ وراک ءِ بہا کنٹرول کنگ ءُ ضروری چیز آناں کمیں نہاد ءَ الس ءِ دستیابی ءَ بہ کن اَنت۔ مزن وزیر ءَ گوشت کہ اے گپ ءَ را دل یکیمی کنگ بہ بیت کہ اچ منافع بخش سزا ءَ چہ پک نہ بیت ءُُ اچ بے گناھیں مردم ڈاہ ءُُ ڈاہ ءِ آماچ مہ بیت۔ مزن وزیر ءَ ہدایت کت کہ الس ءِ نمائندگ ءُُ وفاقی وزیر اسلام آباد ءَ رمضان بازار، سہولت اسٹال ءُُ ایندگر نامینتگیں جاہ آنی تر ءُُ تاب ءَ را دل یکیمی بہ کن انت تانکہ الس ءَ را ارزانیں ضروری سامان آناں پجاری بہ کن انت۔ مزن وزیر ءَ گوشت کہ پرائس کنٹرول سسٹم ءِ سر ءَ مُدام رپوٹ کنگ بہ بیت تانکہ الس ءَ را ریلیف پجاری ءِ تہ ءَ ھچ وڑیں کمی مہ بیت۔ گند ءُُ نند ءَ مزن وزیر ءَ را نرخ آنی تہ ءَ کمی ءِ واستہ گامگیج، ارزانیں وردن ءُُ وراک ءِ سامان آنی پھجارینگ ءِ واستہ جوڑ کتگیں آسراتی مراگش ءُُ ناجائزیں منافع بخش آنی ھلاپ ءَ گامگیج آنی بابت ءَ سرپدی دیگ بوت۔ مزن وزیر ءَ را گوشت کہ اسلام آباد ءَ 16سہولت اسٹال، 5 رمضان بازار، 18منصفانہ قیمت ءِ دکان ءُُ دگہ بازیں آسراتی جوڑ کنگ بوتگ انت، اے آسراتی آنی تہ ءَ گھی، انڈے، دال، شکر، مرغ ءُُ ایندگر وردن ءِ چیز آنی قیمت ءَ چہ کم ءِ تہ ءَ بہا کنگ بوھگ ءَ انت۔ 12 ضروری چیزاں چہ ارزانیں نرخاں رمضان ءِ بندات ءَ چہ 4915 معائنہ، 728000 کلدار ءِ جرمانہ ءِ رد ءَ غیر قانونی منافع خوریں مردمانی ھلاپ ءَ نگرانی کنگ بوھگ ءَ اِنت۔
