اسلام آباد-11مارچ (اے پی پی): مزن وزیر محمد شہباز شریف ءَ گوشت کہ داں ملک ءَ سرجمیں امن ءِ قیام نہ بیت اے ماہ ءَ دیمروئی ءِ واب پیلو نہ بیت، زرّ ءِ دیم دیگ 13.1ارب ڈالر ءَ سر بوتگ کہ اے یک وشیں دیمروئی یے مارا آئی ٹی ءِ صنعت ءَ را گیش کنگی اِنت۔ پاکستان ءِ اقتصادی دیمروئی ءِ واستہ سک باز المی ئیں شعبہ آں سرجمی ءَ بدل کنگ بہ بیت وزارت آنی کارکردگی ءِ سر ءَ ہر سہ ماہی ءَ چار ءُُ تپاسی کنگ بیت 190 ملین پونڈ ءِ بجٹ ءِ گوما یک نوکیں ڈینش یونیورسٹی ءِ جوڑ کنگ ءِ پیسلہ کنگ بوتگ۔ آئی ءَ اے ھیالانی درشانی سئے شمبے ءِ روچ ءَ وفاقی کابینہ ءِ دیوان ءَ گشتانک دیان ءَ کت۔ مزن وزیر شہباز شریف ءَ گوشت کہ من نوکیں وفاقی وزیر، مملکت وزیر، مشیر ءُ ھاسیں کمکار آناں دل ءِ جہلانکی ءَ چہ وش اتک کن آں ءُ مبارک بات دئیگ ءَ آں ایشانی بھر زوری ءَ چہ حکومت ءِ کارکردگی ءَ را گہتر ءُ گیش کنگ بیت۔ آئی ءَ گوشت کہ گوستگیں کابینہ ءِ دیوان ءَ حکومت ءِ سالی کارکردگی ءِ رپوٹ کنگ بوتگ آئی ایم ایف ءِ کمک ءَ چہ اقتصادی برجائی بوتگ مارا ملک ءِ دیمروئی ءِ واستہ سک باز کار کنگی انت۔ آئی ءَ گوشت کہ اقتصادی شوبگ ءَ گوں سیادی داروکیں ادارگ آنی کارکردگی ءُُ کار وشیں رنگ ءَ انت۔ بدل بوتگ۔بحری شعبہ ءِ تہا بے دروریں صلاحیت است انت۔وزارتانی کارکردگی ءِ سرا ہر سہ ماہی ءَ چار ءُ تپاسی کنگ بیت ءُ ایشی ءِ آسر راج ءِ دیم ءَ پیش کنگ بنت۔ آئی ءَ گوشت کہ ما الس ءِ نمائندہ آں ءُُ الس ءِ ازمت ءَ اتکگیں مارا ترندی ءَ گوں دیم ءَ جنزگی اِنت ءُُ وتی مکسد آناں سرجم کنگی اِنت۔ مزن وزیر ءَ گوشت کہ ناشرکاری ءِ ھلاپ ءَ جنگ جاری اِنت ایشی ءِ تہ ءَ ھمک روچ پولیس، اُرد ءِ افسر ءُ سپاھیگ شھید کنگ بوھگ ءَ اَنت داں سرجمیں امن ءِ برجائی نہ بیت پاکستان ءِ افسر ءُ سپاھیگ آنی قربانی، پولیس، رینجرز ءُُ کانود ءِ نفاذ ءِ ادارگ ھمیش اِنت۔ آئی ءَ گوشت کہ اے ماہ ءَ زرّ ءِ دیم دیگ 13.1ارب ڈالر ءَ سر بوتگ کہ اے یک وشیں دیمروئی یے، مارا ھمے رفتار ءَ وتی برآمدات ءَ را گیش کنگ لوٹ ایت دو وزارت آنی کار آنی سر ءَ ریویو میٹنگ ھمک ھپتگ ءَ برجم دارگ بنت۔ آئی ءَ گوشت کہ 190 ملین پونڈ ءِ گوں نوکیں ڈینش یونیورسٹی ءِ جوڑ کنگ ءِ پیسلہ کنگ بوتگ ڈینش یونیورسٹی ءَ ایپلائیڈ سائنسز، آئی ٹی، اے آئی، ریسرچ ءُُ ڈویلپمنٹ ءِ تہ ءَ نوکیں وانگ ءُُ زانگ ءِ پجارینگ بیت اے یونیورسٹی ءِ اولی سرکاری دیوان 14اگست 2026ءَ بندات بیت۔
