وفاقی وزیر محمد اورنگزیب ءَ گوشت کہ شکر ءِ گرگ ءُ بہا کنگ ءِ کار ءَ را ساپ ءُ سلہ جوڑ کنگ بوتگ، اولی رندا اوگامستان ءَ را شکر ءِ شپوکی نا بلکیں برآمد کنگ بوتگ

اسلام آباد – 11 مارچ (اے پی پی): وفاقی وزیر خزانہ ءُ ریونیو سینیٹر محمد اورنگزیب ءَ گوشت کہ کلیدی اقتصادی اشارہ گہتری ءِ درشان کنگ ءَ انت، شکر ءِ گرگ ءُ بہا کنگ ءِ نگرانی ءَ را شفاف کنگ بوتگ، نفاذ ءِ ادارگ آنی کمک ءَ گوں اوگانستان ءَ اولی رند ءَ شکر ءِ برآمد کنگ بوتگ بلے معیشت ءِ تہا گیشی بوتگ۔ سئے شمبے ءِ روچ ءَ ادا رسانکدر ءَ گوں تران کنان ءَ وفاقی وزیر برائے اطلاعات ءُُ نشریات عطا اللہ ترار ءَ گوشت کہ گوستگیں ہفتگ ءَ ملک ءِ معیشت ءِ بابت ءَ مزن وزیر ءَ را تفصیلی رپورٹ پیش کنگ بوتگ فروری ءَ ریکارڈ حوالہ جات رستگ انت کہ ایشی ءَ چہ گیشیں شرح انت۔ i کارکناں اے مردم نہ ایوک ءَ پاکستان ءِ سفیر اَنت بلکیں مئے اندازہ اِنت کہ رواں مالی سال ءِ گڈسر ءَ تاں درملکیں پاکستانی آنی نیمگ ءَ چہ دیم دیگ بوتگیں زرّ آنی کساس 36ارب ڈالر ءَ چہ گیش بیت کہ اے نوکیں ریکارڈ اِنت۔ وزیر ءِ ھزانگ ءَ گوشت کہ اسٹیٹ بینک ءَ ھوار ھاسیں ادارگ آنی نیمگ ءَ کنگ بوتگیں درستیں سروے آنی تہ ءَ تاجر ءُ صارف آناں معیشت ءُُ اقتصادی پالیسی آنی سر ءَ وتی دل یکیمی ءِ درشانی کتگ وزیر ءِ ھزانگ ءَ گوشت کہ سرمایہ کار آنی دل یکیمی ءِ تہ ءَ ھم گیشی بوھگ ءَ اِنت۔ گوستگیں سال ءَ چہ 7 آئی پی او (نیشنل پبلک آفرنگ) کنگ بوتگ کہ گوستگیں دہ سال ءِ تہ ءَ اے گیشتریں شرح اِنت۔ وزیر خزانہ ءَ گوشت کہ ایف بی آر ءَ شکر ءِ صنعت ءِ واستہ گہتریں پیداواری نگرانی ءِ نظام بندات کتگ، ایشی ءِ تہ ءَ 5 نگرانی ءِ نظام کار کنگ ءَ انت، ایشی ءِ تہ ءَ ٹریک اینڈ ٹریس اسٹیمپ، آٹومیٹک کاؤنٹر، ویڈیو ریکارڈنگ ءُُ ڈیجیٹل کاؤنٹنگ ءُُ ایس ٹریک ھوار انت۔ اے گامگیج آنی وسیلگ ءَ شکر ءِ حقیقی ڈسٹری بیوٹر آناں بہا کنگ بوھگ ءَ اِنت ءُُ ذخیرہ کنگ ءُُ افراط زر ءَ را کم کنگ ءِ کوشست آنی تہ ءَ کمک رستگ آئی ءَ گوشت کہ اے گامگیج آنی آسر ءَ شش شکر ءِ کارخانہ آنی تہ ءَ 10 شاٹ ہاپرز ءِ جرمانہ کنگ بوتگ ءُُ 12.5 کروڑ روپیہ ءِ جرمانہ ءِ سر ءَ گوشگ بوتگ۔ رواں مالی سال ءَ گوستگیں سال ءِ ھمے وھد ءِ مقابلہ ءَ شکر ءِ سر ءَ سیلز ٹیکس ءِ رنگ ءَ 24ارب کلدار جم کنگ بوتگ۔ سیلز ٹیکس ءِ رد ءَ شکر ءِ سر ءَ 15ارب کلدار ٹیکس جم کنگ بوتگ ایشی ءِ تہ ءَ 54درسد ءِ گیشی ریکارڈ کنگ بوتگ۔ وزیر ءِ ھزانگ ءَ گوشت کہ نہ ایوک ءَ ملز آنی سر ءَ بلکیں سرحد آنی سر ءَ ھم گامگیج چست کنگ بوھگ ءَ اِنت۔مزن وزیر ءِ ہدایت ءُُ سرجمیں نفاذ ءِ ادارگ آنی کمک ءَ گوں اولی رند ءَ اوگانستان ءَ چہ شکر ءِ سمگلنگ نہ بوتگ بلکیں برآمد کنگ بوتگ، پرچا کہ مارا ھر یک ڈالر ءِ ضلورت اِنت کہ مالیات ءِ کرنٹ اکاؤنٹ ءِ توازن ءَ بہ کنت۔ گوستگیں سال ءِ کیری اوور اسٹاک ءِ ھست بوھگ ءَ مارا اے گپ ءِ سر ءَ دلجمی اِنت کہ اے موسم ءِ لوٹ ءِ رد ءَ شکر دست کپ ایت۔