اسلام آباد- 11 مارچ (اے پی پی): وفاقی وزیر ءِ اھوالکاری ءُ شنگکاری عطا اللہ تارڑ ءَ گوشت کہ اوورسیز پاکستانی آں پاکستان ءَ را ریکارڈ حوالہ جات روان داتگ، پاکستان ءِ اقتصادی اشاریہ جوان بوھگ ءَ انت، دوستیں ملک پاکستان ءِ اقتصادی دیمروئی ءِ ستا ءَ کنگ ءَ انت، دیمروئی ءِ واستہ ھرچ گامگیج چست کنگ لوٹ ایت آ پاکستان ءِ مفاد ءَ را برجاہ دارگ ءَ انت۔ شمبے ءِ روچ ءَ وزیر ھزانگ محمد اورنگزیب ءِ گوما میڈیا ءَ گوں تران کنان ءَ وفاقی وزیر ءِ اھوالکاری ءَ گوشت کہ اوورسیز پاکستانی پاکستان ءَ ریکارڈ حوالہ جات روان دیان ءَ ملک ءِ امبار آناں گیش کنگ ءِ ستا کرز اَنت۔ آئی ءَ گوشت کہ پاکستان ءِ سرجمیں اقتصادی اشاریہ جوان بوھگ ءَ انت، دوستیں ملک پاکستان ءِ اقتصادی دیمروئی ءَ را ساڑاھگ ءَ انت، مہنگائی ءَ را کم کنگ ءَ انت، مائیکرو اکنامک اشارہ آنی تہ ءَ گہتری بوتگ، درملکی زرّ ءِ ذخیرہ گیش بوتگ، زرّ ءِ دیم دیگ ءِ تہ ءَ گہتری بوتگ۔ مہنگائی ءِ کچ ءُ کساس 9 ءُ نیم سال ءِ کم ترین کچ ءَ کپتگ کہ اے مزنیں سوبمندی یے ۔ وفاقی وزیر ءَ گوشت کہ وھدے ترکی ءِ صدر رجب طیب اردوان ءَ پاکستان ءَ اتکگ گڑا آئی ءَ پاکستان ءِ معیشت ءِ گہتری ءُُ اے ھوالگ ءَ مزن وزیر ءُ ھزانگ ٹیمب ءِ کوشست آناں ساڑاتگ۔ آئی ءَ گوشت کہ پاکستان ءِ معیشت ڈیفالٹ ءِ کش ءَ چہ استحکام ءِ نیمگ ءَ ءُُ نوں دیمروئی ءِ نیمگ ءَ روگ ءَ انت، ایشی ءَ چہ الس ءَ سیت زورگ بندات کتگ۔ وفاقی وزیر اطلاعات عطا اللہ تارڑ ءَ گوشت کہ شکر ءِ ھوالگ ءَ مزن وزیر ءِ نیمگ ءَ چست کتگیں گامگیج راجدپتر ءَ کدی نہ بوتگ اَنت یک سال ءِ تہ ءَ سیلز ٹیکس ءِ جم کنگ 15ارب ءَ چہ 24ارب کلدار ءَ سر بوتگ، ایشی ءِ سر ءَ بازیں کار کنگ بوتگ۔ ایف بی آر، ایف آئی اے ءُ آئی بی ءِ ٹیماں ملز ءِ پٹ ءُ پول کتگ ءُ نوکیں ٹیکنالوجی ءِ دیم ءَ آورتگ کہ ایشی ءِ تہا سی سی ٹی وی کیمرہ، نگرانی ءِ نظام، انسانی انٹیلی جنس ءُ ملز ءِ تہا سٹمپنگ بیگ ھوار انت تانکہ ذخیرہ ءُ اسمگلنگ ءِ دیم ءَ دارگ بہ بیت۔ وفاقی وزیر ءَ گوشت کہ مزن وزیر شہباز شریف ءَ پرائس کنٹرول میکانزم ءِ ھوالگ ءَ دیوان برجم داشتگ ءُُ اسلام آباد ءِ ھوالگ ءَ سکیں ہدایت داتگ ءُُ وزیر آنی نگرانی ٹیم جوڑ کتگ کہ آ مارکیٹ ءُُ دکان آناں باقاعدگی ءَ ریٹ لسٹ آناں چیک بہ کن اَنت ءُُ پرائس گوئرز ءِ ھلاپ ءَ کارروائی بہ کن اَنت۔ آئی ءَ گوشت کہ اے گپ ءَ را دل یکیمی کنگ بوھگ ءَ اِنت کہ وردن ءُ وراک ءِ چیز جوانیں ءُ ارزانیں نرخ آنی سر ءَ شفافیں رنگ ءَ عام مردم ءِ دروازگ ءَ سر کنگ بہ بنت 20ارب کلدار ءِ رمضان پیکج گوستگیں سال ءِ مقابلہ ءَ سئے گناہ گیش اِنت، ءُ ایشی ءَ را ڈیجیٹل پرس ءِ وسیلگ ءَ بھر ءُ بانگ کنگ بوھگ ءَ اِنت۔ آئی ءَ گوشت کہ پاکستان ءِ نپ ءِ واستہ ھرچ وڑیں گامگیج چست کنگ لوٹ ایت آ ایشاں زور اَنت۔ گوستگیں سال ءِ تہ ءَ چست بوتگیں بے دروریں گامگیج آنی اثر گندگ ءَ کیت، دیمروئی ءُ دیمروئی ءِ سفر برجاہ بیت، پاکستان ءَ ھما بالی گراب کہ چست کتگ آ نوکیں بالاد ءَ سر بیت۔
