اسلام آباد-11مارچ (اے پی پی): ہالینڈ ءَ پاکستان ءِ نامینتگیں سفیر سید حیدر شاہ ءَ نائب مزن وزیر ءُ درئی کارانی وزیر سینیٹر محمد اسحاق ڈار ءَ گوں گند ءُ نند کت۔ درئی کارانی کارگس ءِ نیمگ ءَ جاڑی بوتگیں بیان ءِ رد ءَ نائب مزن وزیر ءَ نامینتگیں سفیر ءَ را نوکیں اگدہ ءِ تہ ءَ سوبمندی ءِ واھشت مند گوشت ءُُ اقتصادی شوبگ ءَ ھوار دوئیں ملک آنی نیام ءَ دو نیمگی سیادی ءَ را گیش مھکم کنگ ءِ واستہ وتی کرد ءَ پیلو کنگ ءِ لوٹ کت۔ آئی ءَ نامینتگیں سفیر ءَ چہ لوٹ کت کہ آ ہالینڈ ءَ پاکستانی نندوکیں مردم آناں قونصلر سروسز ءُ ایندگر آسراتی آنی پجاری ءِ واستہ کمک بہ کنت۔
