اسلام آباد۔ 10 مارچ (اے پی پی) بنجائی وزیر داخلہ محسن نقوی کوہاٹ نا علاقہ تاندہ ڈیم انا خڑک پولیس کارندہ غاتیا سم کاری نا واقعہ نا مذمت ءِ کرسا پارینے کہ خیبرپختونخوا پولیس نا گلزادہ غاک دہشت گردی نا برخلاف جنگ اٹی بے مٹ قربانی تسنو۔ دوشنبے نادے آ تینا بیان اٹی وزیر داخلہ محسن نقوی سم کاری آن شہید مروک آ 2 پولیس کارندہ غاتے خراج عقیدت پیش کرے۔ اوپارے کہ شہید پولیس کارندہ غلام مصطفیٰ و زاہد الرحمان نا قربانی تے سلام پیش کینہ۔ وزیرداخلہ محسن نقوی شہید پولیس کارندہ غاتا خاہوت آتون دلی ہمدردی و ہڑزخواہی نا درشانی ءِ کریر۔ اوپارے کہ پولیس کارندہ غلام مصطفیٰ و زاہد الرحمان شہیدی نا عظیم ءُ رتبہ اس کٹار، خیبرپختونخوا پولیس نا بہادر گلزادہ غاتا عظیم قربانی تے مدام یات تخنگک۔
