اسلام آباد۔ 10 مارچ (اے پی پی) بنجائی وزیر سردار محمد یوسف وزارت مذہبی امور و بین المذاہب ہم آہنگی نا قلمدان ءِ سنبھالا۔ دوشنبے نادے آ وزارت مذہبی امور نا ترجمان نا رداٹ بنجائی وزیر سردار محمد یوسف نا وزارت مذہبی امور آ بننگ آ ایڈیشنل سیکرٹری وزارت مذہبی امور سید عطاء الرحمان بنجائی وزیر ءِ بخیرکرے۔ داوخت آ اودے وزارت مذہبی امور ، وزارت نا ذیلی ادارہ و حج تیاری تا بابت سرجمی اٹ حوال تننگا۔ داوخت آ اوپارے کہ حاجی و زائر آتا راجی آسودہی کن گام گیج کننگ اولیت ءِ۔ حاجی تا ویل آتے ایسر کننگ و گچین آسراتی مہیا کننگ کن غٹ گام گیج آتے کینہ۔
