اسلام آباد۔ 10مارچ (اے پی پی) بنجائی وزیر ریلوائی محمد حنیف عباسی وزارت ریلوائی نا چارجءِ سنبھالا۔ بنجائی وزیر ریلوائی چارج ءِ سنبھالنگ آن پد وزارت اٹی دیوان نا کماشی ءِ کرے۔ سیکرٹری ریلوائی مظہر علی شاہ ریلوائی کارکڑد، ٹرین آپریشن و رکھی گام گیج آتا بابت پورو حوال تس۔ داوخت آ بنجائی وزیر محمد حنیف عباسی پارے کہ ریلوائی ءِ سوگو و متحرک ادارہ جوڑ کننگ کن اونا کٹیاٹی ودکی و خڑچ آتیٹی کمتی اتنگک۔ وزارت ریلوائی تنا گچین کوآرڈی نیشن اٹ پاکستان ریلوائی ٹی کارکڑد نا چرجوئی ءِ برقرارتخسا پین شون ہلیک۔ اوپارے کہ مسافر آتاجون و مال انا رکھ ءِ پک کننگے و آخبت اٹ ہروڑنا شکست آن بچنگ کن چاروکی نا ازباب خلنگے۔
