اسلام آباد 8 مارچ (اے پی پی): بنجاھی وزیر اطلاعات عطا اللہ تارڑ ءِ سروکی ءَ وزارت اطلاعات ءُ نشریات ءَ گوستگیں یک سال ءِ تہا وزارت اطلاعات ءَ مزنیں گہتری کار ءِ سرا عمل کتگ، ایشی ءِ تہا ڈیجیٹل دیمروئی، میڈیا ءِ گوما کمک ءُ تعمیری صحافت ءِ دیمروئی ءِ سرا ھاسیں دلگوشی دیگ بوتگ۔ بنجاھی وزیر اطلاعات ءَ راجی دیمروئی ءِ تہا ٹیکنالوجی ءِ کلیدی کرد ءَ را منگ ءَ وتی یک سالی مدت ءِ تہا وزارت ءِ تہا انقلابی بدلی آورتگ انت۔ انقلابی بدلی ءِ اے سال بُنکی رنگ ءَ ٹاپ مینجمنٹ ءِ نیمگ ءَ چہ یک ھاسیں اسٹریٹجک وژن ءِ آسر بوتگ کہ ایشی ءِ مول ءُ مراد یک باخبر ءُ ھمگرنچیں چاگرد ءِ دیمروئی ءُ میڈیا ءِ دیمروئی ءَ را دیم ءَ برگ بوتگ۔ انوگیں دور ءَ روایتی رھبندانی جامع گہتری کار، ڈیجیٹلائزیشن، آٹومیشن ءُ اسٹریٹجک گہتری کار ءِ سر ءَ زور دیگ بوتگ کہ آ دیم ءَ آیوکیں میڈیا ءِ ندارگ ءَ گوں شرتر وتی رد ءَ بدل بہ بنت۔ اکتوبر 2024 ءَ ڈیجیٹل کمیونیکیشن ڈیپارٹمنٹ (ڈی سی ڈی) ءِ جوڑ کنگ یک مزنیں سوبمندی یے بوتگ کہ ایشی ءِ مول ءُ مراد ردیں ھال ءُ اھوال، سائبر جنگ ءُ ھائبرڈ تنازعات ءِ گیش بوھوکیں ھترہ آناں گیش ءُ گیوار کنگ بوتگ۔ دومی نیمگ ءَ الیکٹرانک میڈیا اینڈ پبلکیشنز ءِ ڈائریکٹوریٹ ءَ مزنیں کوالٹی ءِ تھیمٹک دستاویزی فلم جوڑ کنگ ءَ راجی بیانیہ ءِ جوڑ کنگ ءُ دیمروئی ءِ تہ ءَ مزنیں کرد پیلو کتگ کہ آ راجی ءُ میاں اوستمانی تک ءَ پاکستان ءِ امیج ءَ را گہتر کنگ ءَ چہ ھاسیں پالیسی ءِ مول ءُ مراد آنی دیمروئی ءَ جوانیں رنگ ءَ کمک کنگ ءَ اَنت۔ پی ایس ڈی پی ءِ مرکزی نگرانی یونٹ ءِ چیر دستی ءَ اے آئی ءِ وسیلگ ءَ کار کنوکیں نگرانی ءِ نظام ءِ بندات ءَ وزارت ءَ را الیکٹرانک ءُ سوشل میڈیا ءِ تجزیہ ءِ تہ ءَ نوکیں صلاحیت داتگ انت ایشی ءَ چہ زوتیں پجار ءُ نوکیں رجحان ءُ ممکنہ خطرہ آنی وھد ءِ سر ءَ پسو دیگ ءِ اہل بوتگ۔ بنیاتی ڈھانچہ ءِ دیمروئی وزارت ءِ کوشست آنی مستریں ستون بوتگ۔ 4.45ارب کلدار ءِ چار پی ایس ڈی پی منصوبگ آنی سرجمی ءَ چہ کلیدی میڈیا ادارگ آنی آپریشنل صلاحیت آنی تہ ءَ مزنیں کساسے ءَ دیمروئی بوتگ۔ ایشی ءِ تہ ءَ پاکستان براڈکاسٹنگ کارپوریشن ءِ اسٹوڈیو ءُ ماسٹر کنٹرول روم آناں نوکیں لوٹ آنی رد ءَ آرگ ھم ھوار اِنت۔ ایشی ءَ ابید زوراکیں انتہا پسندی ءِ ھلاپ ءَ جوانیں رنگ ءَ پسو دیگ ءِ ھاترا یک سرپدیں میڈیا سیل ءِ جوڑ کنگ بوتگ کہ اے کلیدی سیکورٹی چیلنج آنی گیواری ءِ عزم ءِ درشان اِنت۔ ایشی ءَ ابید 3.9ارب کلدار ءِ سی پیک ءِ منصوبگ ”ڈی ٹی ایم بی اے ءِ پی ٹی وی زمینی ڈیجیٹلائزیشن“ ءِ سرجمی ءَ چہ سرکاری ٹیلی ویژن ءِ شنگکاری ءِ دائرہ کار ءُ کوالٹی ءَ را مزنیں کساسے ءَ گہتری اتکگ۔ گوستگیں سال ءِ تہ ءَ ریگولیٹری فریم ورک ءِ نوکیں رنگ ءَ جوڑ کنگ ءِ واستہ قانون ساز ءُ پالیسی ءِ گہتری کار ءِ سر ءَ زور ءُ زبردستی کنگ بوتگ۔ پاکستان براڈکاسٹنگ کارپوریشن (ترمیمی) ایکٹ 2024 ءِ منظوری ءَ گوں کاروائی آناں آسان کنگ ءَ راجی براڈکاسٹر ءِ وت واجہی ءَ را گیش کتگ۔ ھمے رنگ ءَ SOEs ایکٹ 2023 ءِ چیر دستی ءَ پی ٹی وی ءُ پی بی سی ءِ بورڈ آف ڈائریکٹرز ءِ جوڑ کنگ ءَ گورننس ءُ احتساب ءِ نظام ءَ را گیش مھکم کنگ بوتگ۔ اشتہار پالیسی 2021 ءِ چیر دستی ءَ ڈیجیٹل میڈیا اشتہار ءِ رہشونی ءِ تیاری ءَ سرکاری اشتہار آنی بہر ءُ بانگ ءِ تہ ءَ گیش شفافیت ءُ منصفانہ کارروائی آناں دل یکیمی کتگ۔ وزارت ءِ رسائی ءُ اثر ءُ رسوخ ءَ را گیش کنگ ءِ ھاتر ءَ تعلقات عامہ ءُ میاں اوستمانی کمک ءَ را اولیت دیگ بوتگ۔ ایس سی او ءِ سروک دیوان ءُ استحکام ءِ عزم ءِ وڑیں ھاسیں موہ آنی سر ءَ سرکاری گامگیج آنی 360 ڈگری ءِ مزنیں پروجیکشن ءَ پالیسی ءِ مول ءُ مراد آناں الس ءَ را جوانیں رنگ ءَ سر کتگ۔ ایشی ءَ ابید پی ٹی وی ہوم ءِ سر ءَ ترکی، قازقستان ءُ چین ءِ پروڈکشناں ھوار میان استمانی مواد ءِ دیم ءَ آرگ ءَ دود ءُ ربیدگ ءِ تبادلہ ءَ را دیم ءَ برتگ ءُ ناظرین ءِ دلچسپی ءَ را گیش کتگ۔ گوستگیں سال ءِ تہ ءَ چین ءُ ایران ءِ گوما فلمی شریکیں جوڑیشت ءِ واستہ مفاہمت نامہ ءِ سر ءَ دستخط کنگ ءُ ترکی ءِ گوما کمک ءَ ریڈیو پاکستان میوزیم ءِ جوڑ کنگ ءَ میڈیا ءِ شوبگ ءَ میاں اوستمانی شریکداری ءَ را گیش مھکم کتگ۔ وزارت ءَ وتی ریگولیٹری کارکردگی ءَ را گہتر کنگ ءُ ترندیں پسو ءِ سر ءَ ھاسیں دلگوشی داتگ۔ اے بی سی ءِ نیمگ ءَ نوکیں سیکیور سرکولیشن سرٹیفکیٹ آنی جاری کنگ ءُ آئی ٹی این ای ءِ کیس آناں جوانیں رنگ ءَ گیواری کنگ، ایشی ءِ چیر دستی ءَ 5.5کروڑ کلدار ءِ مالی کمک دیگ بوتگ، اے شفاف ءُ منصفانہ کارروائی آنی عزم ءِ درشان اِنت۔ ایشی ءَ ابید ای آفس ءِ نظام ءِ نیمگ ءَ رھادگ بوھگ ءَ انتظامی جیڈھ آناں آسان کنگ ءُ کارکردگی ءِ تہ ءَ مزنیں گہتری ءِ پیداک کنگ ءَ مزنیں کردے پیلو کتگ۔ صحافی، میڈیا تنظیم، سفارتی مشن، ءُ الس ءَ ھوار درستیں سٹیک ہولڈر آنی نیمگ ءَ چہ جوانیں پسو وزارت ءِ سوبمندی ءِ گواہ اِنت۔ اے پیشرفت ءِ رد ءَ نوکیں مواصلاتی نظام ءِ جوڑ کنگ، میڈیا ءِ کمک ءِ دیمروئی ءُ انتظامی کارکردگی ءِ تہ ءَ گہتری ءِ درشانی کنگ بیت۔ وزارت ءِ اطلاعات اے سوبمندی آنی سر ءَ کار کنگ ءُ یک جڑ ءُ ڈیجیٹل دیمروئی کتگیں چاگرد ءِ جوڑ کنگ ءِ وتی وژن ءِ دیم ءَ برگ ءِ ھاترا جزم اِنت۔
