پیرس۔8مارچ (اے پی پی): فرانس ءَ پاکستان ءِ سفیر ممتاز زہرہ بلوچ ءَ زندمان ءِ جتا جتائیں تک ءُ پھنات آنی تہ ءَ پاکستانی زالبول آنی دیمروئی ءِ سفر ءَ را ساڑاتگ ءُ گوشت کہ وتی سرجمیں راجدپتر ءِ تہ ءَ پاکستانی زالبول آنی تہ ءَ چاگرد ءِ دیمروئی ءُ دیمروئی ءِ تہ ءَ بے دروریں کرد پیلو کتگ۔ زالبولانی میاں اوستمانی روچ ءِ درگت ءَ وتی کلوہ ءِ تہ ءَ آئی ءَ گوشت کہ مرچی یک ھاسیں روچ اِنت کہ ما وتی زندمان ءُ وتی چاگرد آنی تہ ءَ زالبول آنی ھاسیں کرد ءَ را شاندار رنگ ءَ گوازینگ ءَ آں۔ ممتاز زهرہ بلوچ ءَ گوشت کہ پاکستان ءِ سرجمیں راجدپتر ءِ تہ ءَ پاکستان ءِ زالبول آناں وتی چاگرد ءِ جوڑ کنگ ءُ دیمروئی کنگ ءَ بے دروریں کرد پیلو کتگ۔ چہ ھاندان ءِ یونٹ ءَ بگر داں کار ءِ توان ءَ ، چہ وانگ ءُ زانگ ءَ بگر داں جان سلامتی ءَ پاکستانی زالبولاں چاگرد ءِ رھشونی ، زانت ءِ دیمروئی ءُ نوکیں چیزانی دیمروئی ءِ تہ ءَ ھاسیں کرد پیلو کتگ۔ آئی ءَ گْوشتگ: مرچی ما ھما سفر ءَ کہ آیاں کتگ، ھما رکاوٹاں کہ آیاں چہ دیم ءَ شتگ اَنت ءُ ھما دقیانوسی لیکہاں کہ آیاں ٹُکّر ٹُکّر کتگ اَنت، وش آتک کنیں۔ آئی ءَ گوشت کہ مارا پاکستان ءِ زالبول آنی اے سفر ءِ سر ءَ پھر اِنت ءُ ما یک انچیں چاگرد ءِ دیمروئی ءِ واستہ وتی انفرادی ءُ اجتماعی کرد ءَ پیلو کنگ ءِ جزم ءِ درشان کن ایں کہ اودا زالبول دیمروئی بہ کن اَنت ءُ وتی راستیں توان ءَ را سما بہ کن اَنت۔
