اسلام آباد۔8مارچ (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ گوشت کہ پاکستان ءِ حکومت زالبول آناں وت مستر جوڑ کنگ ءِ ھاترا جزم اِنت ءُ اے درگت ءَ وانگ ءُ زانگ ءِ برابریں رسائی، اقتصادی موہ آنی تہ ءَ گیشی، ءُ دیمروئی پسندیں پالیشی آنی سر ءَ عمل کنگ ءِ ھاترا زالبول آناں ارزشت دیگ ءَ اِنت۔ مئے راجی دیمروی ءِ تہا مزنیں کردے پیلو کتگ۔ شمبے ءِ روچ ءَ دری کارانی کارگس ءِ جارکش ءِ نیمگ ءَ جاڑی بوتگیں بیان ءِ رد ءَ آئی ءَ اے بیان زالبول آنی میاں اوستمانی روچ 2025 ءِ سر ءَ وتی کلوہ ءِ تہ ءَ کتگ۔ نائب مزن وزیر ءُ دری کارانی وزیر سینیٹر محمد اسحاق ڈار ءَ گوشت کہ زالبول آنی میاں اوستمانی روچ ءِ موہ ءَ ما زندمان ءِ ھمک تک ءُ پھنات آنی تہ ءَ زالبول آنی ستا کرزیں کرد ءَ را ستا کرزیں پاکستان ءُ سرجمیں دگنیا ءَ زالبول آناں چاگرد آناں جوڑ کنگ، آیوکیں نسل آناں دیمروئی ءِ رھشونی کنگ ءَ ناگزیریں کرد پیلو کتگ۔ ایشانی تابکاری، جزم، ءُ غیر معمولی سوبمندی ایشانی طاقت ءِ گواہ انت ءُ مئے راج ءِ ھاتر ءَ فخر ءِ وسیلگ انت آئی ءَ گوشت کہ پاکستان ءِ حکومت زالبول آناں وت مستر جوڑ کنگ ءِ واستہ جزم انت، ءُ اے درگت ءَ وانگ ءُ زانگ ءِ برابریں رسائی، اقتصادی موہ آناں گیش کنگ، ءُ برجاھیں پالیشی آنی سر ءَ عمل کنگ انت۔ نائب مزن وزیر ءُ دری کارانی وزیر ءَ گوشت کہ ما سفارتکاری، حکومت، کاروبار ءُ ایندگر شوبگ آنی تہ ءَ زالبول آنی ھاسیں کرد ءَ را ارزشت دئیں ءُ وتی راجی دیمروئی ءِ تہ ءَ آھانی مزنیں کرد ءَ را من ایں ۔ اے ھاسیں روچ ءَ ما وتی جزم ءَ را نوک کنگ لوٹیں کہ ما جنین آدم ءِ برابری ءُ زالبولانی ھک آنی دیم ءَ برگ ءَ بہ کنیں۔ نائب مزن وزیر ءَ گوشت کہ ھما چاگرد کہ زالبول آناں وت مستر جوڑ کنت آ دیمروئی کنت۔ یکجاہ، مارا رکاوٹاں ٹوٹگ لوٹیت، پرانے لیکہاں چیلنج کنگی اِنت، ءُ یک انچیں مستقبل ءِ جوڑ کنگ لوٹیت کہ اودا زالبول ءُ مردین وشحالی ءُ دیمروئی ءِ سفر ءَ برابریں شریک بہ بنت۔ سینیٹر اسحاق ڈار ءَ ھم ھرکس ءَ را زالبولانی روچ ءِ مبارکی دات۔
