اسلام آباد۔8مارچ (اے پی پی): موسمیاتی بدلی ءُ چاگردی رابطہ ءِ مزن وزیر ءِ کوآرڈینیٹر رومینہ خورشید عالم ءَ گوشت کہ زالبول آنی جھان ءِ موسمی بدلی ءِ گیواری ءِ تہ ءَ ھاسیں ءُ نامداریں کرد پیلو کنگ ءَ انت، زالبول آنی سروکی ءَ را کم کنگ ءِ ھاترا المی انت۔ موسمیاتی کارروائی ءِ تہا نہ ایوک ءَ وتی ھاندان ءُ چاگرد ءِ تک ءَ بلکیں جھان ءِ تک ءَ ھم یک مھکم ءُ فعالیں قوت ءِ رنگ ءَ ابھر بوتگ انت۔ زالبول آنی بھر زوری ءَ چہ نہ ایوک ءَ موسمی جیڈھ آناں شریں رنگ ءَ سرپد بوھگ ءَ کمک رسیت بلکیں ایشی ءِ گیش ءُ گیوار ءِ واستہ عملی گامگیج آنی تہ ءَ ھم ھاسیں کرد پیلو کنت آئی ءَ گوشت کہ موسمیاتی گامگیج آنی تہ ءَ پیسلہ کنگ ءِ عمل ءَ زالبول آناں ھوار کنگ المی اِنت تانکہ آھانی ھاسیں جیڈھ ءُ لوٹ آناں ھیال ءَ دارگ ءَ جوانیں حکمت عملی جوڑ کنگ بہ بیت۔ رومینہ خورشید ءَ گوشت کہ پاکستان ءَ زالبول آنی مھکمیں سروکی موسمی بدلی ءِ آسر آناں گر ءُ دار کنگ ءَ کمکی ثابت بوھگ ءَ اِنت ءُ آھانی بھر زوری ءَ چہ موسمی بدلی ءِ آسر آناں کم کنگ بوت کنت۔ مزن وزیر ءِ کوآرڈینیٹر ءَ گوشت کہ زالبول آنی واستہ چاگردی فنڈز آنی تہ ءَ رسائی ءِ پھجارینگ المی اِنت تانکہ آ موسمی بدلی ءِ آسر آنی ھلاپ ءَ جنگ ءِ واستہ جوانیں گامگیج چست بہ کن اَنت۔ آئی ءَ اے گپ ءِ سر ءَ زور پر دات کہ زالبول آنی سروکی موسمیاتی انصاف ءِ ضمانت دنت ءُ ایشی ءِ وسیلگ ءَ ما درست آنی واستہ جوانیں ءُ ایمنیں چاگرد ءِ پجارینگ ءَ ایں رومینہ خورشید ءَ زالبول آنی میاں اوستمانی روچ ءِ موہ ءَ پاکستانی زالبول آنی کوشست ءُ جزم ءِ توسیپ کت ءُ گوشت کہ پاکستان ءَ زالبول آناں اے جیڈھ ءِ سر ءَ سرجمیں رنگ ءَ زور چست کنگ ءَ اَنت۔ زالبول آنی بھر زوری ءُ سروکی ءِ ھاتر ءَ جھان ءِ تک ءَ موسمی بدلی ءِ اثر آناں کم کنگ ءِ ھاتر ءَ المی اِنت ءُ پاکستان ءِ حکومت ایشانی کرد ءَ را گیش دیمروئی دیگ ءِ ھاتر ءَ جزم اِنت رومینہ خورشید ءَ گوشت کہ زالبول آنی مھکمیں سروکی ءُ سرجمیں بھر زوری ءِ وسیلگ ءَ ما موسمی بدلی ءِ اثر آناں کم کنگ ءُ انصاف ءِ موسم ءِ جوڑ کنگ ءِ ھاتر ءَ راہ پچ کن ایں ۔ آئی ءَ اے گپ ءِ سر ءَ ھم زور پر دات کہ آ زالبول آنی ھک آناں منگ بہ بنت ءُ موسمیاتی بدلی ءِ گیواری ءِ تہ ءَ آھانی سرجمیں بھر زوری ءَ را دل یکیمی بہ کن اَنت، رومینہ خورشید عالم ءَ زالبول آنی سروکی ءَ را موسمیاتی بدلی ءِ گیواری ءِ کلید لیک اِتگ ءُ گوشت کہ وھدے زالبول آناں سروکی ءِ کرد پیلو کن اَنت گڈا ایشی ءَ را موسمیاتی بدلی ءِ بابت ءَ ھم کم کنگ بوت کنت۔ جھان ءِ تک ءَ موسمیاتی انصاف ءِ ارزشت ءِ سر ءَ دلگوش گور کنگ ءَ گوشت کہ موسمیاتی انصاف ءِ بزانت ایش اِنت کہ ما ھما مردم ءُ چاگرد آنی کمک ءَ کن ایں کہ آ موسمیاتی بدلی ءِ اثرات ءَ چہ گیشتر متاثر بنت ھاسیں رنگ ءَ زالبول ءُ زھگ۔
