جدہ ۔8مارچ (اے پی پی): نائب مزن وزیر ءُ درئی کارانی وزیر محمد اسحاق ڈار ءَ مسلمانیں دنیا ءَ چہ لوٹ کتگ کہ آ فلسطینی راج ءِ زوراکی ءَ چہ غزہ یا مغربی کنارہ ءَ چہ درکنگ ءَ را نسلی تبعیض ءِ بنیاد ءَ درکنگ ءُ میاں اوستمانی کانود ءِ رد ءَ جنگی جرم ءِ جار ءَ بہ جنت۔ آواں حق است کہ آ وتی آیوکیں باندات ءَ فلسطینیانی سرا مسلط بہ کنت آ وت واجہی ءِ وسیلہ ءَ وتی آیوکیں باندات ءِ تعین ءَ بہ کن انت۔ او آئی سی ءَ را مقبوضہ فلسطین ءِ دمگ آنی آبادی ءِ بدل کنگ ءِ مول ءُ مراد ءِ ھرچ وڑیں ناپاکی ءِ ایجنڈا ءِ ھلاپ ءَ یکجا بوھگی اِنت اے ھیال ءُ لیکہ نائب مزن وزیر ءُ درئی کارانی وزیر محمد اسحاق ڈار ءَ عرب ءِ وزیر آنی درئی کار آنی کونسل ءِ غیر معمولی دیوان ءِ تہ ءَ گشتگ اَنت۔ د شمبے ءِ روچ ءَ ادا درئی کارانی کارگس ءِ جارکش ءَ گشتگ۔ نائب مزن وزیر ءَ پاکستان ءِ نیمگ ءَ چہ ترندیں سفارش ھم پیش کتگ اَنت کہ ایشی ءِ تہ ءَ جنگ بندی ءِ معاہدے ءِ سرجمیں ءُ ترندیں رنگ ءَ سئے بھر آنی تہ ءَ عمل کنگ، دژمنی ءِ دائمی بندش، غزہ ءَ چہ اسرائیلی اُرد آنی سرجمیں رنگ ءَ در کنگ، انسانی کمک ءِ بے بندشیں رسائی ءُ یک سرجمیں نوک جوڑیشت ءِ منصوبگ ھوار اِنت۔ نائب مزن وزیر ءُ درئی کارانی وزیر محمد اسحاق ڈار ءَ گیش گوشت کہ پاکستان ءَ اقوام متحدہ ءِ سلامتی کونسل ءِ منوگری 2735 (2024) ءِ سر ءَ عمل کنگ ءِ لوٹ ءِ سرجمی ءَ حمایت کتگ آئی ءَ گوشت کہ مغربی کنارہ ءَ اسرائیل ءِ زوراکی ءَ را ھلاس کنگ لوٹ ایت۔ جنین، تل کرم، نور الشمس ءُ الفاری ءِ پناہ گزین کیمپانی ھلاس کنگ غزہ ءِ ھلاس کنگ ءِ عکس اِنت آیاں لوٹ کتگ کہ اقوام متحدہ ءِ سلامتی کونسل ءِ منوگری 2720 (2034) ءِ رد ءَ زوراکی ءِ آوار جنگ، ناجائزیں قبضہ ءُ آبادکارانی ھلاپ ءَ زوراکی ءِ بدل کنگ بہ بیت۔ آئی ءَ اے گپ ءِ سر ءَ زور پر دات کہ الحرام الشریف/مسجد الاقصیٰ ءِ قانود ءُ تاریخی بستار برجم دارگ المی اِنت۔ محمد اسحاق ڈار ءَ گوشت کہ فلسطینی آناں مزنیں کچے ءَ ءُ بے رکاوٹیں انسانی کمک رسگ لوٹ ایت۔ UNRWA ءَ را بے رکاوٹ ءَ کار کنگ ءِ اجازت دیگ بہ بیت۔ اسرائیل ءَ اقوام متحدہ ءِ منشور ءِ آرٹیکل 2(5) ءِ رد ءَ اے کار ءِ آسراتی ءِ قانونی زمہ واری بوتگ۔ آئی ءَ گوشت کہ اقوام متحدہ ءِ جنرل اسمبلی ءِ منوگری اے آر ای ایس 79/232 (2024) ءَ اے ذمہ واری ءَ را گیش مھکم کنگ بوتگ ءُ انسانی کمک ءِ تہ ءَ رکاوٹ ءِ ھرچ وڑیں کوشست آنی مذمت کنگ بوتگ۔ آئی ءَ گوشت کہ کمکی ادارگ آناں زانت ءُ زانگ ءَ نشانگ جوڑ کنگ غیر اخلاقی کار ءُ میاں اوستمانی کانود ءِ ھلاپ ورزی اِنت، انسانی کمک ءَ را ھچبر سلاہ بند کنگ مہ بیت۔ آئی ءَ گوشت کہ فلسطینی آنی زوراکی ءَ آوار جنگ ءَ را لال لیکہ ءِ رنگ ءَ منگ بہ بیت۔ نائب مزن وزیر ءُ درئی کارانی وزیر ءَ مسلم امت ءَ را زور پر دات کہ او آئی سی ءَ را فلسطینی آناں وتی وطن ءَ چہ بے لوگ کنگ ءِ ھرچ وڑیں کوشست ءِ یکجاھیں رنگ ءَ مخالفت ءُ رکگ بہ بیت، آ براہ راست زوراکی ءِ وسیلگ ءَ بہ بیت یا انسانی کمک ءُ نوک جوڑی ءِ آڑ ءَ بہ بیت۔ اے وڑیں ھرچ گامگیج نسلی سبب ءَ آوار جنگ ءُ میاں اوستمانی کانود ءِ سنگینیں خلاف ورزی ءِ دروشم ءَ انت آئی ءَ گیش کت کہ دو ریاستی حل ءِ نیمگ ءَ یک معتبر ءُ ناقابل واپسی سیاسی عمل ءِ پدا بندات کنگ ءُ 1967 ءَ پیسر ءِ سیمسر آنی تہ ءَ یک آزات ءُ وت واجہیں فلسطین ءِ ریاست ءِ جوڑ کنگ ءِ ھاترا دارالحکومت ءِ حل ءِ رد ءَ انت۔ آئی ءَ گیش گوشت کہ او آئی سی ءَ را وتی اجتماعی اثر ءُ رسوخ ءَ را ھم متحرک کنگ لوٹ ایت تانکہ فلسطین ءِ ریاست ءَ را اقوام متحدہ ءِ سرجمیں باسک ءِ بستار ءَ منگ بہ بیت۔ آئی سی ءَ اسرائیل ءَ را غزہ ءُ مغربی کنارہ ءَ وتی جرم ءِ احتساب کنگ ءِ ھاتر ءَ فیصلہ کنوکیں سفارتی ءُ معاشی گامگیج چست کنگی انت۔ ایشی ءِ تہ ءَ تجارتی پابندیاں، برجمیں سفارتی زور ءُ انصاف ءِ آمید گس ءَ قانونی کارروائی ھوار کنگ بہ بیت۔ د وتی مستقبل ءِ جوڑ کنگ ءَ کلیدی کرد پیلو کنگ ءَ منصوبہ ءَ را گیش مھکم کنت۔ اے گپ فلسطین ءِ جیڑہ ءِ سرا اسلامی یکوئی ءُ تپاکی ءِ درشان ھم کنت۔ محمد اسحاق ڈار ءَ اے گپ ءِ سر ءَ اپسوز ءِ درشانی کت کہ مقبوضہ فلسطین ءِ سرزمین ءَ میاں اوستمانی انسانی کانود ءِ سر ءَ اُرش بوھگ ءَ اِنت کہ ایشی ءَ را بند کنگ المی اِنت۔ اسرائیل ءَ وتی مزنیں خلاف ورزی ءُ مزنیں زوراکیانی سرا احتساب کنگ لوٹیت، پرچا کہ آئی ءَ وتی ارادہ ءُ بے وسی ءَ میان استمانی انسانی قانون ءِ سرا چم شانک داتگ۔ آئی ءَ گوشت کہ اقوام متحدہ ءِ جنرل اسمبلی ءَ گوستگیں سال ءَ چارمی جنیوا کنونشن ءِ معاہدہ کنوکیں فریق آنی مزن تک ءِ کانفرنس ءِ دعوت دیگ ءِ پرمان داتگ ات کہ مارا اپسوز انت کہ مئے اُمیت آنی برخلاف اے کانفرنس جنیوا ءَ برجم دارگ نہ بوتگ ءُ وتی مینڈیٹ ءَ را پیلو کنگ نہ بوتگ۔ آئی ءَ گوشت کہ چل ءُ ھشت ھزار ءَ چہ گیش بے گناہیں فلسطینی کہ آھانی تہ ءَ گیشتر زالبول ءُ زھگ بے رحمی ءُ بے دردی ءَ شھید کنگ بیتگ اَنت۔ غزہ ءِ 90 درسد ءَ چہ گیش بنیاتی ڈھانچہ ، چہ ایشاں لوگ ، اسکول ، نادراھجاہ ، کاروبار ءُ عبادت جاہ ھوار بوتگ اَنت اے ایوک ءَ تباہی نہ اِنت بلکیں یک سرجمیں راجے ءِ ھست بوھگ ءِ سر ءَ اُرش اِنت۔ فلسطینیانی سرا جتگیں رنج ءُ گم مذمت انت ءُ چہ مسلمانیں دنیا ءَ زوتیں، فیصلہ کنوکیں ءُ یکجاھیں گامگیج ءِ لوٹ انت۔ آئی ءَ مصر، قطر ءُ امریکہ ءِ نیمگ ءَ جنگ بندی ءِ آسراتی ءِ ھم وش آتک کت کہ ایشی ءَ چہ اُمیت ءِ شعاع اتکگ۔ آئی ءَ ھشدار دات کہ جاور ھال نازرک اَنت پرچا کہ اے معاہدے ءِ سر ءَ عمل کنگ ءِ ھوالگ ءَ بے وسی ءَ یک دائمی ءُ انصاف ءِ امن ءِ زوتیں ضلورت ءَ را گیش پدر کتگ۔ نائب مزن وزیر ءُ دری کارانی وزیر محمد اسحاق ڈار ءَ مقدسیں ماہ ءِ مقدسیں ماہ ءَ غزہ ءَ انسانی کمک ءِ سر کنگ ءِ بند کنگ ءِ سرا سک باز مذمت کتگ ءُ گشتگ کہ کمک ءِ بند کنگ جنگی جرم انت۔ اسرائیل غزہ ءِ انسانی آفت ءَ گیش ءُ گیوار کنگ ءَ اِنت کہ اودا گیشتریں مردم وتی زند ءِ گوازینگ ءِ ھاترا کمک ءِ سر ءَ تکیہ کن اَنت۔ آئی ءَ گوشت کہ فلسطین ءِ رکھینگ ءِ واستہ یکجائی جہد ءِ ضلورت اِنت آئی ءَ اے گپ ءِ سر ءَ زور پر دات کہ اسرائیل ءِ جنگ ءِ زندگ کنگ ءُ وتی زوراکی ءِ مہم ءَ را پدا بندات کنگ ءِ واھشت ءَ را یکجاھیں جزم ءِ گوما ناکام کنگ بہ بیت آئی ءَ گوشت کہ مقبوضہ کنارہ ءَ اسرائیل ءِ آپریشن برجاہ بہ بنت۔ فوجی اُرش، آبادکارانی زوراکی ءُ ناجائزیں قبضہ ھمک روچ ءَ گوں گیش ءُ گیوار بوتگ اَنت ءُ اے ایوکیں واقعہ نہ اَنت بلکیں فلسطینی پجار ءَ چہ وتی زمین ءَ مٹ کنگ ءِ زانتگیں رھبند ءِ بھر اَنت۔ اے راستی ءَ نسلی صفائی اِنت۔ اے موہ ءِ سر ءَ پاکستان ءَ اسرائیل ءِ مزن وزیر ءِ نیمگ ءَ داتگیں تکبریں بیان ءِ ھم سک باز مذمت کتگ کہ آئی ءِ تہ ءَ سعودی عرب ءَ فلسطینی ریاست ءِ جوڑ کنگ ءِ سوج داتگ۔ آئی ءَ گوشت کہ اے سرجمیں مسلم امت ءِ توہین اِنت آئی ءَ گوشت کہ پاکستان سعودی عرب ءِ گوما سرجمیں یکوئی ءِ درشان ءَ کنت ءُ فلسطین ءِ مول ءُ مراد ءِ واستہ آئی ءِ مھکمیں کمک ءِ توسیپ ءَ کنت آئی ءَ گوشت کہ پاکستان ءَ یک ھواریں، شامی ءُ بنجاھی سروکی ءَ سیاسی عمل ءِ وسیلگ ءَ شام ءَ استحکام ءِ کمک کتگ۔
