اسلام آباد۔8مارچ (اے پی پی): ایوان بالا ءَ زالبول آنی میاں اوستمانی روچ ءِ موہ ءَ یک رند ءَ یک منوگری ءِ منظوری داتگ کہ ایشی ءِ تہ ءَ زالبول آنی سر ءَ زوراکی ءِ گر ءُ دار، کارجاہ آنی سر ءَ آزار ءُ اذیت ءِ ھلاپ ءَ زور دیگ ءُ آھاں وت مستر جوڑ کنگ ءِ واستہ جتا جتائیں شوبگ آنی تہ ءَ آھانی سرجمیں ءُ فعالیں بھر زوری ءَ را دل یکیمی کنگ ءِ سر ءَ زور دیگ بوتگ۔ سینیٹر شیری رحمان ءَ شمبے ءِ روچ ءَ ایوان ءِ بالادستی ءِ دیوان ءَ زالبول آنی میاں اوستمانی روچ ءِ موہ ءَ اے منوگری پیش کت ایشی ءِ تہ ءَ جتا جتائیں پڑ آنی تہ ءَ زالبول آنی ھزمت آناں منگ ءِ وھد ءَ گوشت کہ زالبول آناں سیاسی، چاگردی ءُ ایندگر پڑ آنی تہ ءَ جتا جتائیں جیڈھ آنی دیمپانی کنگ ءَ انت، ایشی ءِ تہ ءَ وتی بھر زوری ءُ کارکردگی ءِ سر ءَ اثر کپ ایت۔ حکومت ءَ را زالبول آنی اقتصادی شمولیت ءَ را دل یکیمی کنگ ءِ واستہ موثر گامگیج چست کنگ لوٹ ایت۔ زالبول آناں وتی ھک آنی سر ءَ رسائی ءُ اے ھک آنی بابت ءَ سرپدی ءُ زالبول آنی ھلاپ ءَ سیاسی تبعیض ءَ ھوار جرم آنی سر ءَ زوتیں رد ءَ کارروائی کنگ بہ بیت کارجاہ ءَ زالبول آنی سر ءَ جنسی زوراکی ءُ آزار ءُ اذیت ءِ ھلاپ ءَ جامع گامگیج زورگ بہ بنت۔ بلے قتل ءِ سزا پاکستان ءِ تعزیرات ءِ رد ءَ بہ بیت، کار کنوکیں زالبولاں برابریں پگار دیگ بہ بیت زالبولاں پیسلہ کنگ ءِ تہا ہوار کنگ بہ بیت، زالبولاں ایمنیں ٹرانسپورٹ ءِ آسراتی دیگ بہ بیت ءُ کار کنگ ءِ برابریں موہ دیگ بہ بنت زالبولاں پائیدار فوڈ سیکیورٹی ءِ تہا ہوار کنگ بہ بیت، زالبول ءُ مردیناں معیاری وانگ ءُ زانگ ءُ تربیت دیگ بہ بیت۔آہاں کھیڈ، نوکیں ٹیکنالوجی، میڈیا ءُ پالیسی سازی ءِ پڑ ءَ یک وڑیں موہ دیگ بہ بنت پدا ایوان ءَ یکوئی ءَ گوں اے منوگری ءِ منظوری دات کہ ایوان ءِ صدر ءَ اے فیصلہ دات کہ ایوان ءِ بابت ءَ سیادی داروکیں قائمہ کمیٹی ءَ را سرپدی بہ دنت۔
